البارت العاشر
جمانة
ليش ما خليتينا نبات
وشكو رجعتينا بسرعه
جان ارتاحينا اليوم وعلى كيفنا رجعنا
شبيك حر
انته ليش متفهم
مجاي اشوف ابن عمتها شلون لطش
ومقبل يروح
والة يبات هوة هم
هذا بالقسطني بيك
حتى يطلع روحك ويغثك
هسة اني هم ظليت حاير وتفاجأت من شفته رجع
من اهلة راحو
هوة راح وياهم ليش رجع يريد يبات
حتى يضوجك ومينطيك مجال
بهيج حاله احنه ندخل بحرب وياه
هم عيب من ابن خالنة رافد
وهم ممتوازين عالمغثة
احنه جينه تشوف خطيبتك
لكينه عدهم خطار ومصارت
غير وكت نجي وتشوفها
زين ليش مخليتيني انطيها الحلقه ولبسها
شلون تلبسها حلقه وامك وابوك محاضرين
اقلها يفرحون من يشوفوك تلبس عروستك حلقتها
ما جان هذا رأيج من جينه
ليش من الاول ما حجيتي
اااي نسيت انته شلون جبتني بسرعه
وبساع بساع ما طيتنة مجال
ومن شفت وجود اهلنه ضروري كتلك اجلها ترة ما طارت الدنيه
مو جلب بينه رافد نبات عدهم
طلعتينا باليل البيت خالي
جان بتنا عد اهل ريم واليوم رحنه الخالي ابو رافد نسلم علي ونرجع
باوع حر
ترة زهكتني
انته مافكرت خالي لو سمع جايين لدهوك اول شي البيت رافد نازلين وبايتين عدهم
وعود ثاني يوم نروح نسلم
شيسوي خالك
يزعل
وزعل خالك ثكيل
وجيب الي يراضي
ماشفتها
ولا كعدت وياها
ولا افتهمت منها شي
ولا حتى هية فرحتني وتلكتني ملكة وحدة مشتاقه
؟؟؟؟؟؟؟؟
جمانه
تعتقدين ريم مجبورة علية
ما اعرف
وشلون نكدر نعرف
لان ماشوفها فرحانه بية ولا متلهفة علية
واذا عرفت هية مجبورة شراح تسوي
انسحب من حياتها بهدوء
وعذرك شنو
وابوها يصير ابن خالنه
وجدها يصير خالنه
الف عذر اطلع
بحيث ما اضرها ولا اخسر واحد من اهلنه
ما اعرف حر جديات ماعرف
خل نوصل بغداد ويصير خير
جمانه
ماكدرت ولا تحملت اخلي اخويه بهيج موقف
صعبه كلش صعبة
لحيت عليه نطلع بليل نروح نسلم على خالي ابو رافد
واني متاكدة خالي مراح يخلينه نرجع نبات عد بيت رافد ابنه
وهوة هذا المطلوب
ترخصنه من رافد ابو ريم وكتلهم اسلم على خالي ونرجع
وفعلاً خالي من شافنا كال مالكم طلعه منا
اليوم تباتون عدي
اقلها انام عد خالنا واني اعرف محد مستثقلنا
ولا احد اله منية علينا
نقهرت على حظ اخوية ليش هيج
الحر ميستاهل
والله ميستاهل
