البارت الخامس
ابو جمانة
كاعدين بالانتضار
اني وعمة وامة واختة
من المقرر عمليته اطول من ساعه الى ساعه ونص
وهمة دخلوه ساعه سته
وصار هسة ساعتين وماكو اي خبر منه
مابيدنه شي غير الدعاء ماوكف منة الساناتنة
ام جمانه
ابراهيم أسألهم شنو القضيه ليش تأخروا
همة ما كالو هالكد راح تطول راح تصير ثلاث ساعات
ابني خاف بي شي ابراهيم
ابو حسين عم الحر
ذكري الله ام جمانه قابل نعرف احسن منهم
قابل هوة شي سهل
عمليه هاي وخطرة هم
ادعي الله تعدي على خير
ها ها ها عمي ليش البچي لا تفاولين على اخوج
جمانة
عمو تاخرو كلبي يكلي الحر بي شي
استغفر الله
استغفر الله
اتكالنه عليك يا رب
بهذا الوقت طلع شخص من غرفة العمليات وجلبنه بي
تعال يابه
فهمنة ليش هيج تاخرو الدكاترة
مو ما بقه عقل براسنا
مو كالو ساعه زمان عمليته
صار ثلاث ساعات
متنه يا عمي متنه
اشوفة أرتبك
وكال هااا شويه بعد ويخلصون
زين غير نفتهم سبب التاخير صاير شي
ابنه بي شي
عمي
والله يا عمي ماعرف شكلك
صارت شغلة وتاخرت عمليته
اي دحجي يا ابني احجي نشفت دمنا احجي
قبل ما تبنيج ابنكم
بالغلط واير مجلوغ بالاجهزة مال العمليات
وتكهرب وقبل لا يبدون الدكاترة دخل غيبوبه
والدكاترة استعادو استقرارة الة بلشو بالعملية
يمة يمة يمة
ابني يا يمة ابني
كولي يا الله خاله صدكي ماكو شي سيطرو عالوضع وعمليته مابقه شي وتكمل احمدو الله بعدة عايش
ترة عمليته خطرة والورم متشعب بالغدد
لا حول ولا قوة الا بالله
يعني فوك العملية والعذاب الي هوة بي
هم يتكهرب وهوة متخدر
صايرة دايرة
جمانه
مو كتلكم مو كتلكم اخوية بي شي
ام جمانه
الاهي الطف بيه ورجعلي ابني سالم
ورة الثلاث ساعات طلعو الحر من العمليات
هلعنا من المنظر الي شفنا ابنة بي
( ماذا بينك وبين الله كي ترعاك العناية الإلهية )
دخلت في ظلام دامس
ورحت في عالم الا وعي
يمكن نايم
يمكن مغمة علية
يمكن ميت
يمكن عايش
لان حسيت بالام
حسيت باوجاع
حسيت بنفسي طايف مرفوع ليفوك
ماكدر احجي اريد انادي اريد ادعي لله
اريد الهج بالدعاء
حتى اكدر اوعه حتى اخلص من الوجع
حسيت جسمي ينتفض
بعدهة اسمع اصوات وضوضاء
وشخص ينادي
