بارت السادس
طريق طويل
ولهفتي اكبر
والشوق اجمل
والانتضار صعب
والمجهول الي منتضرني
وصلنا دهوك بعد عناء الطريق
استقبلونا اهلنة بالترحيب
صار فترة طويله ما شايفيهم من تمرضت لليوم
وهاي اول مرة اشوفهم بعد المرض
دخلنة جوة بيت جدي الجبير
ساكنين بي خوالي ثنين
والباقين بيوتهم قريبه
وخالاتي هم من سمعن جايين
هم ينتضرونه
اسلم عليهم واحد واحد
واني عيني تباوع بالعيون اريد اشوف الكلام
اريد اشوف الابتسامة
اريد اقرة لغه العيون
سلمت على كلهم
من بنات خوالي ومن بنات خالتي
ولحد هسة ما شفت النضرة الي منتضرها
كولهم وجوهم طبيعية
معقوله اني الي ما افهم
لو هية ما موجودة اصلاً
لو الوهم مسيطر علية والموضوع كله كذبه
لا لا ماكو كذبه
صار ايام واني احجي وياها بتلفون
الحيرة خلتني أيأس اشوفها لو اعرفها
هااا
خالي الحر شلونك هسة
بخير خالي الحمد لله نحمد الله ونشكرة
بطل خالي بطل
ان شاء الله تجتاز المحنه بسلامة
انته شاب وبعافيتك
وبالإرادة تتغلب عالصعب
يالا شد حيلك
حتى نزوجك
اخر جملة كالهة خالي
استوقفتني
ازوج
ممكن ازوج
ممكن تكون عندي عائلة
ممكن الحياة تستمر عندي
واكدر ازوج
رجع خالي سألني
شكم جرعه بقت الك
بس وحدة وخلص
وراها نسوي تحاليل
تهون خالي تهون
ام جمانه
ابو رافد لعد رافد وينه شعجب ماجاي نشوفه نسلم علي
هسة على جية
من البارحة صار عنده علم انتم جايين
وكال اسلم عليهم بس يجي من دوامة يجيب اهلة ويجي
خالي الجبير
ابو رافد
عنده رافد اكبر واحد مزوج وعندة ولد او بنات
ومستقل بيت وحدة
بس مو هالكد شايفهم اني
لان
تقريباً ملتهي رافد بدوامة
فمعظم جياتنه لدهوك نادر ما اشوف رافد ابن خالي الجبير
كاعدين كلنه
وخالاتي وخوالي وبناتهم من الطرفين
كلهم كاعدات يم خواتي يسولفن ويضحكن
ويسالن جمانه عن زوجها وليوين وصلت وياه
وجمانه تجاوبهم بعد مترجع اله
وكل شوي ادير علية وتأشرلي بعينه وحاجبه ترفعهم
عود يعني منو منهم ما عرفتها
ههههه
واني أرجع أشر بحاجبي يعني عود لا ماعرفتها
ولا وحدة منهم لفتت نضري
كلهن طبيعيات
لعد وينها الي كالت من عيني راح تعرفني
اشو ماشفت وحدة تباوعلي بغير نضرة
غير نضرة العطف على حالتي
والمرض الي مغيرني
وشلون جمالي بهت
اكره هاي النضرة
بس هوة الطبيعي هذا بالنسبه الشخص مريض بهذا المرض
ما اتضايقت من نضرت استعطافهم
بكد ما اتضايقت لان ما شفت النضرة الي جنت متاملها
