البارت السابع
قراري نهائي وما بي رجعه
رفعت جهازي ودكيت رقمة
جاوبني بلهفة وفرح
هلو حبيبي جمانه لازم اشتاقيتي
مابقه شي واجي عليج باجر
رسول
لتجي
ما أرجع وياك
شنو
شنو
ليش احنه مو اتفقنه وخلص
ونهينة كل خلافات كدام العمام
منو قرة براسج هااا منووو
شنو هوة بكيفج العب
شوف هذا انته ومتتغير
توقعت هذا جوابك
بس قبل كلشي
ارد اكلك حجايه
عمرة ذيل الچلب مينعدل
لا يا جلبه اني اعلمج
اكثر من هذا تعلوم
اخذتني زغيرة جاهلة وفتحت عيني عليك
شكم سنه اني وياك شنو الي شفته منك ومن حياتك
شتردين هااا شتردين
ردتي بيت
كتلج اجرلج بيت بس صبري
حالياً اجرت الاهلي
وانتي وراهم
ليش ما جاي تصبرين
هههههه ضحكتني من تكلي اجرت بيت الاهلي
وانته ماجر شقة
والشقه ما بيهة بس غرفتين وصاله
وانتو عائلة شكبرها
غرفة الي وغرفه المن والباقين وين مكانهم بهاي الشقة
تريد تنيمنه ناس فوك ناس
من غير يوميه شايلين وحاطين ابيوت وكلهن اجار
تضحك على منو رسول
طفح الكيل منك ومن كذبك
ويا ريت بس هاي
لو على شغلة البيت اصبر
تشيع علية هية متخلف
ورايح تتخطب
بالوقت الي اجيت تتوسل بينه
بس رجعوها الي وشتريد اني حاضر
شنو من بشر انته
منو كلج هالحجي
كذاب الي وصل شوكت خطبت
لا مو كذاب الي وصل الخبر ناس تعرفكم حق المعرفه منكم وبيكم
والله جابهم اليوم علينه حتى ما اتورط بعد اكثر من الورطه الي اني بيهة
مو بس خطوبه
وخياناتك المستمرة
الي الحد هسة ما متوقف عنها
انتي حلوووو معبين راسج علية تمام
اني ادري امج ماراضيه وهاي سوالفها
لا مو سوالف امي
سوالفك انته
هسة راح أسالك واذا انته صادق بكلامك متنكر
منو رغد
رغد
اي رغد وانصحك متنكر
هيج عابرة ومالها اهمية
شفت متكدر اذا متخون
وشلون عرفتيها يعني هية بس
لا تبسس بسس رغد هية اني
ردت اجربك وشوفك بطلتهن سوالفك لو بعد
هيج الهاي الدرجة معندج ثقه بيه
عن اي ثقه تحجي
وانته مجرد راسلتك وحدة رحت الهة ركض
من غير كذبك على اهلي اجرت بيت
ونته ماجر شقة
من غير رايح تخطب لان زوجتك متخلف
اي غير حل مؤقت الى ان الكة بيت جبير وبصفه مشتمل الج
وهاي انته من اخذتني لليوم تصيح حل مؤقت
اصبري
ما بقه شي
حرمتني من هواي امور
حرمتني الامومة
دكتورة متخليني اراجع
حرمتني الاحترام والحب والحنيه
معاملتك جافه ما بيها كل احترام
كله اهانة وغلط وخيانه
واني السنين ركضت بيه
جاهلة وكلشي ما افتهم
بس هسة لا بعد كافي
الجاهل كبر او فتح عينه
ورجعه ما ارجع الك
