أنت لي (باللهجة الجزائرية)

🌺🌺

- الطبيبة : حبيتي من قبل؟
سكتت صوفيا . معرفتش واش تحكي .
- الطبيبة : شوفي صوفيا واش تحكيلي هنا مراحش يخرج منا.
- صوفيا : ايه .
- الطبيبة : وشنو ايه حبيتي من قبل؟
- صوفيا : ايه حبيت .
- الطبيبة : وقتاش حبيتي؟ احكيلي كلشي
- صوفيا: كي كنت نقرا اولى ثانوية في نيويورك . مع لول كان الباست ديالي موراها حبيتو مقدرتش نتحكم في قلبي . التصرفات ديالو . الاهتمام ديالو كلشي فيه خلاني نحبو كي قتلو قالي مام انا و بدات حكايتنا . كنا كل يوم كيفكيف . حتا وين جا هداك النهار . نهار لحقني ميساج يقولي بلي ارواحي لهاد الفندق تشوفي واش راهو يصرا الشومبرة 25 و المفتاح قوليلهم يمدوهولك . . روحت لأوتال هداك ديت المفتاح و طلعت لشومبرة هاديك و قلبي يخبط فتحت الباب و نسمع صوتو و صوت مراة دخلت و نشوف العفسة لي خلاتني هكا . هو لي خلاني هكا . هو رجعني هكا 😭 كنت نحبو كون قالي مديلي عينيك نمدهوملو مي هو خدعني و خلاني و زيد خلاني نكره كلشي .
كانت صوفيا تحكي و تبكي . هادي هيا العفسة لي خلات صوفيا تكره الحب .
- الطبيبة : و نتي علاجالو هو دخلتي في اكتئاب .؟ علاجالو هو وليتي هكا . صوفيا مزالك صغيرة متغلقيش على روحك . مدي فرصة لروحك و لقلبك . سيي تحبي ( هي كي قالت هكا جا جاد في راسها) و سيي تخرجي روحك بروحك من الحالة لي راكي فيها .
زادت شوية و خرجت صوفيا من عندها و عينيها حمورا باسك كانت تبكي . غير شافها أمير راح ليها عنقها منبعد خلص الطبيبة و راحو محبش يحكي معاها بسك راهي تبان عيانة . وصلو لدار دخلت راحت ديراكت لشومبرتها غلقت الباب و بدات تبكي . لحق ليل حبطت تعشات منبعد طلعت . كانت 11 تاع ليل خرجت البالكون و شافت البحر قدامها ( باسك لفيلا ديالهم طل على البحر ) راحت لبست مايو كحل و دات سربيتا و حبطت وصلت حطت السربيتة فلرض و دخلت تعوم.
كان قاعد فالبالكون يخدم حتى وين شاف صوفيا خارجة و حابطة للبحر. خرج يجري. لحق ملقاهاش نحا تريكوه و خزر مليح حتى وين لقاها و دخل ليها .
خرجت تتنفس حتى وين حست بنفس سخون في رقبتها . دارت بلعقل شافت جاد خزرت في عينيه و هي لاسقة فيه .
- جاد : واش راكي ديري هنا؟
- صوفيا: واش يديرو فالبحر؟
- جاد : ماتقدريش تحكي معايا نورمال .
- صوفيا: كيفاش؟
- جاد: بلا ما تبداي دوري فالهدرة .
- صوفيا: نحب نقلقك.
- جاد : امم . امشي نطلعو تمرضي ..
- صوفيا: ايدا راك خايف على روحك اطلع انا مانطلعش .
- جاد : كاش واحد ما يخافش على روحو .
- صوفيا: انا .
- جاد : صوفيا .
- صوفيا: واش؟
- جاد : والو .
- صوفيا: اوكي .
و خرجت من البحر رفدت السربيتة مسحت روحها كي خرج رماتهالو .
- صوفيا: هاك . امسح باش متمرضش .
و طلعت لشومبرتها . مسح و طلع لشومبرتو رقد ديراكت .
حل الصباح و حلت معه احداث جديدة ( معمباليش واش راني نحكي 🤣)
ناضت صوفيا على صوت زقزقة العصافير . عنداكم ناضت على صوت يماها .
- صوفيا: واش كاين ؟
- سهام: نوضي باش نروحو .
- صوفيا: وين ؟
- سهام: لجداتك .
- صوفيا : علاش ؟
- سهام: حبت تشوفكم.  راح نريحو عندها يومين و نولو .
- صوفيا : دوك شوية نوض .
- سهام: صوفيا نوضي .
- صوفيا: سيبون سهامو متتقلقيش .
ناضت صوفيا لعفسة لولة لي دارتها حكمت كابة صغيرة و بدات تخمل في لبستها و قشها. منبعد دخلت لدوش عمرت لابينوار و دارت فيها ريحة الفراز . دخلت ساعة باش خرجت موراها راحت وقفت قدام الخزانة و بدات تشوف واش تلبس . فالخر لبست هكا 👇👇👇

خرجت رافدة كابتها . دخلت لشومبرة نيسا لقاتها فارغة راحت لسامي و أمير كيف كيف . حبطت سقسات لخدامة .
- صوفيا: وين راهي ماما و بابا ؟
- الخدامة: راحو .
- صوفيا: و أمير، سامي ,نيسا ؟
- الخدامة : كيف كيف .
- صوفيا: MRC .
راحت الخدامة حكمت تيليفونها و عيطت ليماها .
- صوفيا : الو ماما وين راكي ؟
- سهام : راني رايحة عند جداتك .
- صوفيا: و انا شكون يوصلني .؟؟
- سهام: أمير و لا سامي .
- صوفيا: لزوج راحو . دوك انا شكون يديني ؟
- سهام: قولي لجاد يديك .
- صوفيا: تحرشي بيا ماما . السيد عندو شغالات .
- سهام: دوك نعيط لمريم تشوفو . اسناي .
- صوفيا: اوكي.
عيطت سهام لمريم قاتلها دوك نحكي مع جاد . راحت مريم تعيط لجاد .
- مريم : جاد وليدي وين راك ؟
- جاد : شويا و نروح نخدم علاش ؟
- مريم : آاا اوكي . جيت راح نقولك ادا تدي صوفيا لدار مانها .
- جاد : وين جاية الدار ؟
- مريم : بومرداس .
- جاد : اوكي . نديها .
- مريم: صحيت وليدي .
عيطت مريم لسهام قلتلها . عيطت سهام لصوفيا .
- صوفيا: باينة مقبلش.
- سهام: نو . دوك شويا تروحو .
- صوفيا: اوكي .
قعدت صوفيا تستنى في جاد حتى وين جا .
- جاد بلا ما يخزر فيها : هيا نروحو .
ناضت صوفيا و راحت تمشي قبلو . خزر فيها جاد شافها واش راهي لابسة .
- جاد : روحي بدلي .
- صوفيا: واش نبدل ؟
- جاد : اللبسة .
- صوفيا : علاش ؟
- جاد :  معجبتنيش بدلي ر## و سكتي . منيتك نخليك تروحي بهاد اللبسة .
- صوفيا: واش بيها لبستي . و زيد ملبستهاش باش تعجبك . لبستها باسك عجبتني انا . اوكي .
- جاد : روحي بدلي سينون منديكش .
- صوفيا: منبدلش .
- جاد : بدلي.
- صوفيا: اوكي .
طلعت لشومبرتها و فتحت لخزانة خزرت فيها و لبست هكا 👇👇

🎬🎬🎬🎬🎬🎬🎬🎬🎬🎬🎬🎬🎬🎬🎬🎬
صحا فطوركم 🌺.
فوت و كومنتار بلييززز
نحبكم ❣️