أنت لي (باللهجة الجزائرية)

😍😍

ناضت صوفيا صباح . دوشت و لبست هكا 👇👇

حكمت ساكها و هبطت .
- صوفيا: صباحوو.
- الكل : صباح الخير.
- صوفيا: جدو واش رايك نديرو الخطبة تاع سارة و سامي هاد السمانة .؟؟
- الجد : معمباليش . راهم عندنا لي بروبلام فالخدمة .
- صوفيا: جدو تعيش هيا . كان نطولو شويا يطيرو بالطفلة . تعيش جدو .
- الجد : هههه اوكي كيما تحبي . سامي .
- سامي : وي جدو .
- الجد : اما نهار يساعدكم؟
-سامي : النهار لي يعجبك نتا حنا رانا معاه .
- صوفيا: اوكي مال نديروها بالخميس فليل . واش رايكم ؟
- الجد : اوكي . ايه صوفيا راكي مليحة ؟
- صوفيا: وي جدو راني انتيك . و نتا ؟
- الجد: راني مليح .
- صوفيا: مليح . أيا انا نخليكم . فليل نشاء الله.  باي .
و خرجت . ركبت الطونوبيل و راحت للافاك . لحقت لقات مايا . راحت تجري عنقتها.  و دخلو للونفي يحكو و يضحكو . جازو 3 سوايع تاع صباح. راحو يفطرو هوما و سارة . منبعد ولاو على 2 خرجو . راحو  يحوسو على 5 دخلت صوفيا و سارة لدار . طلعت صوفيا ديراكت لشومبرتها و بدات تخدم . و هي تخدم سمعت طبطيب في الباب . راحت فتحت لقاتو جاد .
- صوفيا: جاد .
- جاد : صوفيا . نقدر ندخل ؟
- صوفيا: وي . تفضل.
دخل جاد راح قعد فوق البونك و هي ولات قعدت فالبيرو .
- صوفيا: غير الخير .
- جاد : حبيت نحكي معاك في عفسة .
- صوفيا: افف احكي .
- جاد: سيبون انساي . راني نشوف فيك مليحة؟
- صوفيا: وي راني مليحة . واش ندير واقيل نقعد نستنا فيك ؟
- جاد: صوفيا انا فريمون حبيتك و حبيتك تاع الصح . من النهار اللول لي شفتك فيه حبيتك . مالڨري حلفت و قلت منزيدش نحب بصح نتي كي شفتك دخلتي لقلبي . صوفيا نتي صح حبيتك . نتي قلبي و عشقي ❤️ مع اللول كان عندي امل انو تولي تحبيني كيما نحبك انا مي منبعد راح
- صوفيا: جاد منيتك . انا طفلة نحب واحد يهتم بيا كيما يماه.  يخاف عليا كيما ختو . ميحبش العفسة لي ماشي مليحة ليا . يوريلي طريق الصح و الغلط . و نتا جاد مالڨري مكنتش نحكي معاك بزاف بصح الاهتمام ديالك و الحب لي شفتو في عينيك كي تشوف فيا هادو وحدهم يخلوني نذوب.
- جاد: يسما كنتي شايفتني ؟ و عارفة بلي صح نحبك ❣️ دونك علاش ممديتيليش فرصة باش نولو كيف كيف ؟ كان مديتيلي بلاك رانا مخطوبين دوك و لا راح نخطبو . و مراناش في هاد الخرطي .
- صوفيا: مع اللول مكنتش فايقة منبعد فقت و عرفت بلي صح تحبني . بيناتنا جاد علاش كي قتلك هاداك النهار فالبيرو بلي نحبك محبيتش الخطبة ؟ و علاش كي سقسيتك البارح فليل ادا تحبني محكيت والو و دوك جاي تحكي ؟ قول و زيد من فوقها جاي تحاسب فيا . نقولك عفسة سيبون نتا راك خاطب دوك و عن قريب راح تتزوج و راح تطفر فيا غير انا دونك جاد تعيش خلينا نبعدو على بعضانا  
- جاد : علاش ؟
- صوفيا: هكاك و دوك تعيش جاد خلينا نحبسو هاد الحكاية.  انا عييت بزاف و نتا باين بلي عييت . دونك سيبون .
- جاد : صوفيا.
راح وقف وين كانت صوفيا واقفة و لسق فيها حتى وين ولاو يتنفسو نفس واحد. 
- صوفيا: واش؟
- جاد : نحبك و نقعد نحبك غير نتي . و نتي هيا الطفلة لي راح تولي مرتي و مكاش وحدة تدي بلاصتك في قلبي . ❣️
- صوفيا: جاد هادي ڨاع هدرة .
- جاد: نو هادا وعد مني ليك بلي أنا و نتي نتزوجو .
- صوفيا: متمدش وعد مراحش تقدر توفي بيه .
- جاد : نوفي بيه ربك .
و باسها كاش 2 دقائق و هو يبوس فيها و يعض في شواربها و هي حابسة برك منبعد كي فاقت بدات تبادل فيه و هو تبسم . كي حس بلي نفس راحلها بعد عليها .
- جاد : حلوة كيما العادة .
- صوفيا: وشنو هادي كيما العادة ؟ لي يسمعك يقول راك تبات تبوس فيا .
- جاد : نشاء الله عن قريب .
- صوفيا: حبس الخطبة قبل من بعد ساهل. 
- جاد : نحبك .
و راح . كي راح قالت صوفيا في قلبها "مام انا نحبك "
🎬🎬🎬🎬🎬🎬🎬🎬🎬🎬🎬🎬🎬🎬🎬 صحا عيدكم ❣️❣️❣️ و ينعاد عليكم بالصحة و الهنا .
هاد البارت معمباليش ڨاع كيفاش كملتو . و الله . المفيد حق التعب فوت و كومنتار بلييززز 🥺🥺🥺
حبكم ❤️