أنت لي (باللهجة الجزائرية)

❤️❤️

جاز شهر على حكاية دبي . و اليوم عرس صوفيا . ناضت صباح على. السبعة  . على صوت الوالدة الكريمة . راحت دوشت الله الله.  دوش تاع 2 سوايع ( الماء عندهم باطل عمبالكم كيما حنا . رانا نحوسو عليه منلقاوش و زيد كي تدخل تدوش كل 2 دقائق تلقاهم يعيطولك ) خرجت من الدوش و هي تلمع . كانت لابسة بينوار . لقات البنات كامل فالشومبرة ديالها. 
- صوفيا: اوهوه . راكم ڨاع هنا
- سمية : صباح الخير يالعروسة. 
- صوفيا: مزال موليت عروسة .
- مينا : نورمال.  هاكي كولي بعتتهم عمتو .
- صوفيا: اووف حمدالله لي بعتولي باش ناكل . راني ميتة بالجوع . مفهمتش علاش مخلاونيش نهبط للكوزينة . يالزح يومين و انا قاعدة فالشومبرة وحدي .
- سارة : مام انا مفهمتش . بصح لوكان تشوفي جاد كيفاش ولا ؟ راه ميت باش يشوفك .
- سمية : والله غير صح . مقبيل تلاقيت بيه فالدروج هابط قالي شوفيلي كيفاش نشوف صوفيا .
- صوفيا و هي تاكل : ايه و نتي واش قلتي ؟
- سمية : قتلو نخمم .
- صوفيا: ايه . و القرار ؟
- مينا : بعد عدة مشاورات قررنا بلي راح نخليو جاد يدخل عندك 3 دقائق و يخرج .
- صوفيا: صح ؟ 🥺
- سارة : ايه . غضتونا كيفاش راكم
- صوفيا: ربي يخليكم ليا . هيا عيطيلو .
- سارة : كولي قبل يا بنتي و استري روحك .
- صوفيا: اوكي .
كلات صوفيا و راحت لبست جلابة غوز مع بليغة بيضة باش تروح للحفافة . جات خارجة من الشومبرة حبستها سارة .
- صوفيا: واش ؟
- مايا: اقعدي هنا دوك يجي ليك جاد . و خفو .
- صوفيا و هي تعنق في مايا  : اوكي .
راحت قعدت فوق البونك . دقيقة و دخل . راح ليها ديراكت عنقها
- صوفيا و هي معنقة جاد : اخخخ توحشتك .
- جاد : مام انا . راكي مليحة؟
- صوفيا و هي تخزر في وجهو : ايه . مليحة. و نتا ؟
- جاد و هو حاكم وجها بين يديه : راني طاير فالسما . و الله . مزال مأمنتش بلي راح تولي ديالي .
- صوفيا: مام انا منيش مأمنة . ...
و هي تحكي دخلت مايا. 
- مايا : أيا نروحو و خلاص الوقت. 
- صوفيا: راني حاسة روحي فالحبس يا الزح . علاش هكا . 2 دقائق برك .
- مايا: لالا هداك هو. 
- جاد : خلاص عمري متتقلقيش.  خلي يجوز النهار منبعد نولي قدامك. 
و تبسم بخبث. 
- صوفيا: جاد اتربى .
- سارة : هايا خفو . سامي راهو يستنى .
- صوفيا: اوكي .
- جاد : باي باي عينيا ❤️❤️❤️
خرجت صوفيا راحت مع سامي للحفافة و طريق كومبلي مڨلبينها بالزغاريت و الكلاكسون و الغنا . دخلو للحفافة 2 سوايع باش خرجو . دخلت لشومبرتها لقات البنات معاها . ( البنات ندير تجاوز في العرس بسك منعرفش نكتب الأعراس و الله . نشاء الله متزعفوش)
كمل العرس و دوك راح يدي جاد صوفيا للأوتال . دخلو للشومبرة توضاو و صلاو و كلاو و حاوزوني من الشومبرة 😅 و دارو لي ميندارش في الحرام في الحلال .
🎬🎬🎬🎬🎬🎬🎬🎬🎬🎬🎬🎬🎬🎬 هدا واش قدرت نكتب و الله بسك معندي حتى علاقة مع العراس و منا . و دوك ندير بارت فيه تصاور تاع العرس . و نحبكم بزافف