أنت لي (باللهجة الجزائرية)

❣️❣️

هبط جاد قعد معاهم .
- جاد : اوو راكم سهرانين بلا بيا .
- أمير : اما سهرة يا خو ؟ رانا في مشكل .
- جاد : اما مشكل ؟
- سارة : صوفيا .
جاد غير قاتلو ختو بلي صوفيا خاف لا تكون صراتلها عفسة .
- جاد : وشبيها؟
- أمير : راحت .
تخلع جاد و قلبو وجعو بزاف
- جاد : كيفاش راحت ؟ وين راحت؟
- سامي : واحد معمبالو وين راحت .
- جاد : و دوك كيفاش ديرو ؟
- مايا : رانا نستناو تريبوندي علينا . بسك راهي فالطيارة .دوك .
- جاد : خرجت من البلاد. وشبيها هادي هبلت.
- أمير : كي نعرف انا منبعد ساهل . جامي مراحت صوفيا لبلاصة بلا متقولنا . هادي الخطرة لولة .
- جاد: خلي نستناو شويا و نعاودو نعيطو . ياك راحت بالطيارة ديالنا ؟
- سامي: وي
- جاد : دوك نعيطو للمطار نشوفو اما بلاد راحت ليها الطيارة .
- سارة : يا صح علاش مخممناش فيها من قبل .
- مايا : بسك كنا مشوكيين
المهم بدا يحكي عاود ولا كوبا .
- أمير : ايه وين راحت.
- جاد : طاليان . علاش راحت لطاليان. 
- سامي : معمباليش .
قعدو يستناو حتى وين لقاها تعيطلهم ابال فيديو
اما عند صوفيا كانت حبطت من الطيارة و هي فالطوموبيل لقات بزاف ليزابال من عندهم . تقلقت عمبالها كاش مصرا . راحت عيطتلهم ابال فيديو. 
- أمير : صوفيا ختيتو علاش رحتي. ؟
- صوفيا: أمير واش صرا ؟ علاش كنتو تعيطولي؟
- سامي : صوفيا عينيا   علاش راكي صفرة هكا و عينيك علاش راهم حمورة ؟
- جاد : صوفيا كنتي تبكي ؟
صوفيا كي شافتو تخلعت مي محبتش تبين .
- صوفيا: نو متتقلقوش راني مليحة just ملي طلعت لطيارة و انا نخدم و عينيا وجعوني من البيسي و على حكاية المرواح هادي صرالي بروبلام فالخدمة علابيها روحت . Ctt . يمات و نولي . و جدي انا نحكي معاه .
- سامي : اما بروبلام؟
- جاد : اما خدمة ؟
- صوفيا: بروبلام فالخدمة. هذا واش نقدر نقول .
- مايا : ايه و وقتاش تولي ؟
- صوفيا: معمباليش . مي قادرة نطول بزاف .
- جاد : يسمى متلحقيش بالخطبة ديالي .
كي قال هكا حست قلبها يتقطع و نفس يروح عليها .
- صوفيا: نو نجي . و ضحكت معاه .
- أمير : اوكي عينيا تهلاي في روحك .
- صوفيا: أمير دوك شويا نعيطلك نتا و سامي نسحقكم في عفسة.
- أمير : اوكي .
- سامي: نحبك .
- صوفيا: وشبيكم هكا شغول راح نموت . باي .
كوبات عليهم و بداو الدموع يطيحو بلعقل حتى وين نطقت منال .
- منال: مدموزال نروحو للأوتال خير .
- صوفيا: نو . امشي نروحو نشوفو الحكاية قبل . و شحال من خطرة نقولك متقوليليش مدموزال . راني صغيرة عليك . عيب و الله انا نقولها دايراتك ختي و هي تقولي مدموزال.
- منال : هههه . سيبون . المفيد صوفيا نروحو للأوتال مكيش تباني مليحة ڨاع.
- صوفيا: نو . نروحو نخدمو و ادا راكي عيانة نحطك فالأوتال .
- منال : نو. ماشي بروبلام رقدت فالطيارة . مي كي شفتك هكا .قلت .
- صوفيا: عمبالك جات في وقتها الحكاية هادي.  أصلا كنت حابة نبعد على جاد و كون رحت بلا سبة يحسبني رحت بسك منحملش نشوفو مع وخدوخرة .
- منال: صوفيا يامات و راح تولي و راح تحضري خطبتو و موراها عرسو . لازم تكوني قوية باش تبينيلو بلي راكي مليحة بلا بيه . راكي فاهمة . دوك نكمل نحلو هاد البروبلام و نولو و روحي ديري شوبينغ الله الله و اخرجي مع ليزامي دياولك و حوسي و متخميش فيه ڨاع .
- صوفيا: مي بزاف واعرة . دوك كي يتزوج نولي نشوفو كل يوم معاها . يعنقها . يدللها قدامي . علاش راهو يدير هكا زعما كي قلت نقولو بلي نحبو جا ليا و قالي راح نخطب .
- منال : راح يخطب يسمى مزال مخطب . و مزال متزوجش . بلاك يصرا كاش بروبلام و يحبسو . شكون عمبالو واش راهو مخبيلنا المستقبل؟
- صوفيا: خلاص اخطينا منو . افف جايح . دوك نولي و ندير فيه التير . دوك يشوف نخرجو من عقلو قدامو و هو ساكت . ميقدر يدير والو . يصبر عليا نتهنى من هاد الحكاية.
- منال : ايواه هكا نحبك ❣️ .
- صوفيا: نحبك منال ❤️
- منال: مام انا راكي كيما ختي الصغيرة .
- صوفيا: ايه علابيها مقبيل قلتيلي مدموزال .
- منال: دوك نتي تحكميها عليا. 
- صوفيا: نو.
🎬🎬🎬🎬🎬🎬🎬🎬🎬🎬🎬🎬🎬🎬🎬🎬
هاي ڨايز . هاو آر يو ؟
المفيد البنات والله راني نعيا و انا نكتب فالبارت مع لخر زوج عباد يديرولي فوت . علاش هكا . حسو بيا 😭😭😭
هكاك و نحبكم ❤️🙏
باي .