أنت لي (باللهجة الجزائرية)

💞💞

ناضت صوفيا صباح لقات منال راقدة . راحت غسلت وجها و لبست لبستها هكا 👇👇

و دخلت للكوزينة باش دير قهوة لقات فاطمة تشرب في القهوة .
- صوفيا: صباح الخير فطوم. 
- فاطمة : صباح الخير بنتي . كي صبحتي ؟
- صوفيا: لي يرقد مع بنتك يندم . و الله .
- فاطمة : عمبالي . ربي يعينو لي راح يديها . نحطلك قهوة.
- صوفيا : لالا دوك نحط لروحي. 
ناضت تفرغ القهوة و فاطمة جبدتلها القاطو.  بدات تشرب و تحكي معاها.  حتى وين قالت .
- صوفيا: طاطا كي تنوض منال قوليلها بلي رحت لدار باش نوجد قشي.  و نولي نروحو للمطار. 
- فاطمة : ايه . تهلاي في روحك .
- صوفيا: باي فطوم .
خرجت صوفيا من عند منال و راحت لدار . دخلت تحوس على جدها لقاتو في الصالون حاط رجل على رجل يشرب فالقهوة و يحكي مع جاد .
- صوفيا: السلام عليكم .
- الجد: هاي شرفت لالة مولاتي.  كان مجيتيش خير .
- صوفيا: اخخخ يا جدو سمحلي مي والله غير كانت عندي وحد الخدمة تفشل . و الله حتى 1 تاع صباح باش رقدت .
- الجد: هممم اوكي . كيفاش راكي ؟
- صوفيا: لاباس و نتوما كيفاش راكم ؟ كاش جديد ؟ كاش حكايات ؟ 🙄
- جاد : لاباس . المفيد جدو خمم في واش قتلك و قول لخالي ادا قبل نوجدو رواحنا .
- صوفيا: واش كاين ؟ فواش يخمم ؟ شكون يوجد روحو ؟
- الجد : جاد يقولك .
- جاد : قلت بلي لوكان نتزوجو ديراكت خير .
- صوفيا: كيفاش هادي نتزوجو ديراكت ؟ هبلت جاد ؟ واش راك تخلط من راسك ؟
- جاد : منيش نخلط . و زيد حنا راح نتزوجو نتزوجو دونك دوك و لا منبعد كيف كيف .
- صوفيا: سي امبوسيبل نتزوج دوك . هبلت ياخو . مزالني صغيرة . راني 18 . مزال معشت حياتي . مدرت والو في حياتي . مزال باش نتزوج .
- الجد : دبرو بلاصة و احكو فيها متهبلونيش انا . و كيما قلتو راني موافق . اوكي .
خرجت صوفيا من الصالون و طلعت لشومبرتها غير غلقت الباب عاود تفتح دخل جاد يجري . غلق الباب بالمفتاح و بدا يحكي .
- جاد : كيفاش هادي امبوسيبل نتزوج . ياك راح نتزوجو خلينا نتزوجو دوك خير .
- صوفيا: جاد منتزوجش دوك . سي امبوسيبل نتزوج و انا في هاد العمر . يا الزح مزالني صغيرة . راني نبانلك وحدة تاع زواج .
- جاد : يسما راكي تلعبي بيا ؟ يسما هادا كومبلي خرطي ؟ قولي ؟ راكي جوزي بيا الوقت ؟ احكي .
- صوفيا: ربي يهديك جاد . وشمن تجواز وقت . راك تحرش . شحال من خطرة نحكو و نقولك بلي مزالني صغيرة على الزواج . قلت نولي خطيبتك باش نقعد ليك. 
- جاد : واقيل راكي حابة على 5 سنين ؟
- صوفيا: انا مقلتش خمس سنين . اصبر عام و لا عامين هدا ماكان .
- جاد و هو يعيط : و انا واش راح يضمنلي بلي نتي راح تقعدي تحبيني ؟ بلي راح تريحي معايا ؟ و راح تقبلي تكملي حياتك معايا؟
- صوفيا و هي تعيط: راك شاك فيا جاد . منيتك.  زعما واش راك داير في راسك بلي انا راني معاك دوك علاجال دراهمك و لا زينك و لاواش ؟ قول .؟ جاد حطها في راسك هاد الهدرة بلي مارانيش معاك على دراهمك باسك مام انا عندي دراهمي . و ماشي علاجال زينك . انا حبيتك نتا كيما راك. و زيد علاش راك حاب نتزوجو ديراكت ؟
- جاد : راني حاب نتزوجو باش نضمنك ليا . باش واحد ميقدر يديك مني . باش انا  نكون ليك و نتي تكوني ليا . باش نعيشو في دار . نحسو ببعضانا . و زيد خايف يجي نهار تبعدي فيه عليا . خايف تروحي و تخليني . خايف تحبي كاش واحد من غيري . تولي مرت راجل من غيري .
- صوفيا و هي تحكي بلعقل : جاد انا نحبك نتا برك . نتا هو العبد لي وليت نخمم فيه 24 ساعة . نحب نحكي معاك.  نضحك معاك.  نحب ندير كلشي معاك.  و نتا تقولي يجي واحد يديك من غيري . راك مليح في عقلك.  محال يجي واحد يخليني نحس واش نحس كي نشوفك . و لا يخليني نحشم كي يقولي نحبك.  و لا كي نشوفو قلبي يتسمع من طرف الدنيا . جاد انا ليك و نتا ليا . مي شوف ادا نتا راك حاب نتزوجو هاد اليامات . اوكي راني قابلة . دبر راسك .
- جاد : راكي سيغيو تحكي نتزوجو ؟
- صوفيا: ايه ادا نتا حبيت هكا اوكي .
- جاد و هو حاكم وجه صوفيا بين يديه : صوفيا شوفي فيا عينيا . نتي قلبي و روحي و كلشي . بنتي و صحبتي و ختي و مرتي و الله مراح تندمي على هاد القرار و الله يا صوفيا . اعرفي بلي انا نحبك غير نتي.  و نتي لي ساكنة قلبي و عقلي . وليت منقدرش نجوز نهار بلا بيك . وليت خايف نوض كاش نهار نلقاك رحتي و انا مزال مدرت معاك والو . مي ادا مراكيش قابلة قوليلي دوك نورمال .
- صوفيا و هي تتبسم : لالا راني قابلة مي قبل كلشي لازم نقولك عفسة .
-جاد : واش ؟
- صوفيا و هي تجبد فيه و تقعدو فوق البونك : بما انو راح تولي راجلي و انا مرتك لازم منخبيو والو على بعضانا.  صح .
- جاد : اخخخ على كلمة راجلي.  شحال حلوة من فمك ❣️ ارواحي نبوسك على هاد الكلمة. 
- صوفيا: شوف يا سيدي . هاك بوس .
و مدتلو خدها .
- جاد : وشنو هادا ؟
و دورها حط شواربو فوق شواربها و يبوس فيها بكل حنية . ( البارت هدا راني نكتبو على 1:44 دقيقة. ) منبعد كمل و قال. 
- جاد : هكا يبوسو ❤️
- صوفيا: اففف جاد .
- جاد : وشبيك و دوك قوليلي واش كنتي حابة تقولي ؟
راحت صوفيا تجبد البيسي . فتحاتو و حطتهولو فوق حجرو و قاتلو .
- صوفيا: هاد شوف وحدك .
قعد جاد يشوف و مشوكي. 
- جاد : كيفاش هادي؟
🎬🎬🎬🎬🎬🎬🎬🎬🎬🎬🎬🎬🎬🎬🎬🎬 ههههههه نخليكم تتقلقو شويا .
ايه البنات . و الله رانا نبراو بالشوية مي لاكونيكسيون مكاش . هاد البارت كتبتو على 1 تاع ليل و راني نستنا وقتاش يجي النهار باش يبارطاجي بابا و نحطو.  آي كانت بليف بلي أنا كتبت هاد البارت . معمر رومانسية 😭 و انا منعرف والو منها .
المفيد راني في جفاف عاطفي تاع نص الليل . هداك لي يحكمنا على 12 تاع الليل فهمتو . 🤣🤣🤣😅
نحبكم بزاففففف ❤️🌺❣️ . و بيزو لكل وحدة تدعم فيا.  حبكم قد الدنيا 💋💋💋