أنت لي (باللهجة الجزائرية)

😍😍

دخلت مايا و أمير كيف كيف لصالة . راحت مايا عند صوفيا و سارة حكاتلهم كلشي . و أمير راح عند جاد و سامي . بعد نص ساعة ناض الجد و حكم الميكروفون في يدو  و بدا يحكي على حياتو و ولادو و منا لهيك حتى وين دار سامي الخاتم لسارة. 
بعد ساعة ولاو لدار جات صوفيا طالعة لشومبرة حكمها باباها . راحو لجاردان .
- كريم : حبيت نحكي معاك في وحد الموضوع؟
- صوفيا: وي با . واش كاين ؟
- كريم : خطبوني فيك .
- صوفيا دايرة روحها مخلوعة : شكون هدا البغل ؟
- كريم : جاد .
- صوفيا : أخاه بابا متزيدليش . و دوك كيفاش ندير ؟
- كريم : انا عجبني الولد . و زيد من لافامي . قاري متربي و منا لهيك .
- صوفيا: يسما نتا راك قابل ؟
- كريم : ايه مي الراي رايك بنتي .
- صوفيا: و نتا كون نتزوج معاه تفرح ؟
- كريم : ايه باينة نفرح .
- صوفيا: خلاص . راني قابلة . و ماما حكيت معاها؟
- كريم : حركات معاها مريم و راهي قابلة . و غدوا نقول لجاد . أيا بونوي .
- صوفيا: بونوي با. 
طلع كريم لمرتو و هي ريحت فالجنينة وحدها حتى حست بيد تحطت على كتفها . تبسمت باسك عرفت بلي هاد اليد تاع جاد. 
راح قعد قدامها و قال .
-جاد : حكا معاك باباك ؟
- صوفيا: فواش ؟ .
- جاد : فالخطبة باينة .
- صوفيا: نو . مقالي والو. 
- جاد : سيغيو صوفيا .
- صوفيا: اوكي متتقلقش.  حكا معايا .
- جاد : ايه و نتي واش قلتي ؟
- صوفيا: واش راك حابني نقول زعما ؟ قتلو الراي رايك ؟
- جاد : منيتك صوفيا
- صوفيا: من ريتي جاد . باينة بلي الراي رايو . لوكان غير قالي قتلو ايه . كان راهو شك في عفسة . دونك قتلو الراي رايك و هو راهو قابل بيك و انا قابلة و ڨاع قابلين. 
- جاد : هههه تخمي
- صوفيا: باينة.  ايه يا شاطر نسقسيك سؤال لوكان تغلط فيه نمحيك من حياتي .
- جاد : اوكي. 
- صوفيا: مقبيل كنا قاعدين مع جدو نقسرو . عيطلك نيميرو كانت 10:33 دقيقة . عيطلك المرة لولة و دوزيام.  الثالثة رحت ريبونديت و طولت باش تولي . شكون ؟ و بلاك تسيي تخبي .
- جاد : واو راكي حافظة الوقت. 
- صوفيا: ايه . عفسة ما تخفى عليا .و دوك احكي
- جاد : عيطتلي الاكس ديالي .
- صوفيا: واش تسحق منك ؟
- جاد : نولو. 
- صوفيا: ونتا واش قلت ؟
- جاد : لالا .
- صوفيا: و هي واش قاتلك ؟
- جاد : علاش ؟
- صوفيا: ونتا واش قلت ؟
- جاد : قلت باسك عندي لي نحبها و هي كانت غلطة في حياتي جامي مراح نعاودها
- صوفيا: اوكي . وهي واش قالت ( بارت برعاية واش قالت.... واش قلت ؟ 🤣🤣)
- جاد : بدات تخلط فالهدرة.  حتا وين كوبيت عليها. 
- صوفيا: أوكي.  نحبك ❣️ .
- جاد : مام انا نحبك ❣️ .
- صوفيا: خلينا نطلعو جمدت هنا .
- جاد : ايه .
طلعو كيف كيف . راحت لشومبرتها رقدت و هو كيف كيف .
🎬🎬🎬🎬🎬🎬🎬🎬🎬🎬🎬🎬🎬🎬🎬🎬 سمحولي على الروطار البنات والله راني في حالة.  راني كل يوم نروح لسبيطار ندير الابرة في .... المفيد حالتي حالة . و زيد خلاصت لاكونيكسيون . راهو مبارطاجي بابا دوك دونك متزعفوش غ
كي تبعتو ميساج و منريبونديش.  بسك و الله غير معندي كونيكسيون و لا دراهم باش نفليكسي .
و زيد هادو بوسات كبار 💋💋💋💋💋 للبنات لي راهم يدعمو فيا . سمحولي مقدرتش نقول شكون باسك راني خايفة ينحي بابا لبارطاج و انا مزال محطيت البارت.  الخطرة الجاية نقول شكون .
و زيد هاد البارت كتبتو فالتوالات حاشاكم. 
نحبكم ❣️❣️❣️❣️.