أنت لي (باللهجة الجزائرية)

✨✨

جازو يومين و صوفيا عند جداتها . جاد كل دقيقة يعيطلها و يهبل فيها . ليوم تولي للفيلا . و دوك راهي تودع في جداتها .
- صوفيا: ماني . CBN . و الله غير نولو . و الله .
- فخرية : خلاص امنتك . اتهلاي في روحك بنتي . و اقعدي عاقلة . صحا بنتي . ( حسيت روحي عجوزة هنا 🤣🤣) .
- صوفيا: خلاص ماني . فهمت .
بسيف باش راحو . ركبت مع سامي . حطت لاسانتيغ . و نطقت .
- صوفيا: ايه . مزالك مع السما ديالك ؟
- سامي : نو . حبست .
- صوفيا : علاش ؟
- سامي : بسك منحبهاش .
- صوفيا: و شكون تحب ؟
- سامي : صوفيا تسقسي des questions تافهين .
- صوفيا: علاش 😳؟
- سامي: شغول ما عمبالكش شكون نحب .
- صوفيا: شكون 😲؟ ( راني جايبتها غير شكون . علاش 🤣🤣 )
- سامي : سارة . مي معمباليش ادا تحبني .
- صوفيا : احلف. بالله غير تحبها .
- سامي : صوفيا هادا وين قتلك نحبها و نتي راكي تقوليلي احلف . نتي صحبتها صح ؟
- صوفيا: ايه .
- سامي : سقسيها ادا تحبني .
- صوفيا: تحبك .
- سامي : تحبني صح و لا راكي تتمسخري ؟
- صوفيا: تحبك . نقولك واش دير .
- سامي : واش ندير .
- صوفيا: غدوا نروح انا و نتا نديرو شوبينغ . و فليل ارواح ليا نقولك . و ادا قتلي نو . منقولكش .
- سامي : مستغلة الاوضاع .
- صوفيا: ايه و لا نو ؟
- سامي: وي
- صوفيا: تفاهمنا .
وصلت صوفيا لدار طلعت ديراكت لشومبرتها مراهي حابة تتلاقى لحتى واحد سيغتو جاد . حاسة روحها ماهيش مليحة . مالقري كانت تضحك و تقدر هاد اليامات مي كانت برك باش ميشكوش . دخلت غلقت الباب بالمفتاح و قعدت فلرض و بدات تبكي . كاش 5 دقائق  و هي تبكي حتى وين تحس واحد قعد قدامها طلعت راسها تجري تشوف شكون راهو في شومبرتها . لقاتو جاد .
- جاد و هو يمسحلها في دموعها : صوفيا واش صرا؟
- صوفيا: كيفاش دخلت ؟
- جاد : سقسيتك .
- صوفيا: مام انا سقسيتك .
-جاد : كنت فالشومبرة ملقبل. و نتي واش صرالك ؟
- صوفيا: مصرا والو . Just اكتئاب .
- جاد : علاش ؟
- صوفيا: حكاية قديمة .
- جاد : وشنوها ؟
- صوفيا: حكاية تخصني انا .
- جاد : تخصك نتي يسمى تخصني انا تان .
- صوفيا: جاد و الله ماراني قادرة نهدر و لا نضارب . راني حابة نرقد و نبكي برك .
تكسل فوق البونك : ارواحي.
- صوفيا: واش راك دير .؟
- جاد : ارواحي .
راحت عندو .
- صوفيا: راني جيت واش كاين ؟
حكمها من يدها طاحت فوقو . حطلها راسها فوق صدرو . و قالها : ارقدي .
- صوفيا: واش راك دير ؟
- جاد: نرقدو .
- صوفيا: جاد خليني نوض .
- جاد : صوفيا قتلك ارقدي . سيك ارقدي . غمضي عينيك .
غمضت عينيها كيما قاللها شويا و رقدت .
و دوك نخلو البطل ديالنا يحكي .:
صوفيا . شحال وليت نحبها . نحبها كي ترجعلي الهدرة . كي تقلقني . كل حركة منها وليت نحبها . جامي في حياتي ما تخيالت اني نقدر نحب وحدة . و زيد شكون حبيت . حبيت وحدة متآمنش بالحب . عمبالي بلي هيا متحبنيش . مي مع الوقت تولي تحبني . هدوك اليومين لي راحت فيهم توحشتها بزاف . مقدرتش نعيش بلا بيها . حسيت شغول الفيلا فارغة . كنت نستنى غير الوقت لي جي فيه ( شغول نتا ملقبل ماكونتش عايش . حابس . مغلطوش كي قالو الحب يخلي المخ يحبس . ) عيطت لأمير نحكي قالي رانا جايين غدوة صباح . صباح رحت لشومبرتها نستناها . كنت ندور في شومبرتها حتى وين حسيت الباب تفتح فرحت . جيت رايح نشوف ايدا هيا حتى وين حبست كي شوفتها تبكي روحت ليها شديتها و حكيت معاها منبعد عمبالكم واش صرا .
- نعود للكاتبة:
الاستنتاج من هدرة جاد هو انو طاح على راسو طيحة واعرة . سيبون عشق فيها السيد ( جيبولي جاد) . 2 سوايع فطنت صوفيا لقات روحها راقدة فوق جاد خزرت فيه . في رموشو . شواربو . وجهو قعدت تتأمل في خلق ربي و تقول في قلبها . واش هدا الزين . هدا وين شافتو مليح باسك مع اللول مكانتش طول الخزرة في وجهو . كانت تشوف في عينيه برك . جات نايضة من فوقو لقاتو مزير عليها بدات تجبد في روحها منو حتى وين خرجت . راحت دخلت لدوش و بدات تدوش .
اما عند جاد زاد مور صوفيا 15 دقيقة وناض كي ناض خزر يحوس عليها ملقاهاش . سمع صوت الماء عرفها فالدوش . ولا رقد . شويا و خرجت صوفيا من الدوش بسربيتة تغطي غير اللازم . راحت وقفت قدام جاد و بدات تشوف فيه باش تعرف ايدا راهو نايض و لا راقد . كي تاكدت بلي راقد راحت فتحت الخزانة و جبدت لبسة و دخلت لدوش . اما جاد كان نايض مي دار روحو راقد . كي شاف الجاست ديالها حكمو الضحك مي حكم روحو .
🎬🎬🎬🎬🎬🎬🎬🎬🎬🎬🎬🎬🎬🎬🎬
دونك . ميسيو جاد راح . ضربها بعشقة واعرة . في وحدة قلبها حجر .
المفيد مام انا قلبي حجر مفهمتش كيفاش كنت نكتب و نقول نحبها و ما نحبها و كدا .
فوت و كومنتار بلييززز 😘😘 .
نحبكم ❣️❣️