أنت لي (باللهجة الجزائرية)

😘😘

جازو اليامات و صوفيا مزالها فالطاليان كملت خدمتها و قعدت مع منال يحوسو فطاليان و ليوم فليل راهي هابطة لجزائر . لقات الراجل لي حطلها لادروغ و اعترف و ولات الحياة لمجاريها . جاد خطب وحدة اسمها كاميليا سكرتيرة ديالو هي متحبوش تحب دراهمو و هو مايحبهاش راح يجيبها برك باش ينسى صوفيا و في نفس الوقت يخليها تغير عليه. عرف بلي راهي جاية ليوم سو قال بلي راح يبدا الخطة ديالو اليوم .
حبطت صوفيا من الطيارة و كانت لابسة هكا 👇👇

لقات سامي و أمير يستناوها راحت ليهم تجري تعنقهم .
- صوفيا: توحشتكم 🥺 .
- أمير : مام حنا توحشناك .
و راحت بداو يمشيو و يحكو .
- صوفيا: كيفاش راكم ؟ ماما و بابا ؟ راهم ملاح ؟ البنات ؟
- سامي: راهم ڨاع ملاح . و نتي كيفاش راكي ؟ مراكيش تباني مليحة بزاف .
- صوفيا: نو . راني مليحة برك كنت مع الخدمة من جيهة و القراية من جيهة راكم تعرفو . و نيسا علاش مجبتوهاش معاكم ؟ توحشتها .
- أمير : كانت قاعدة مع مايا و سارة.
- صوفيا بخبث: مايا 🤨
- أمير : ايه مايا .
ركبو فالطوموبيل كانت هي ملور و أمير يسوق و سامي قدامو . و منال داخل الشوفور تاع صوفيا لدار .
- صوفيا: بيناتنا رانا خاوة .
- سامي : ايه
- صوفيا: شابة مايا صح ؟
- سامي: ايه شابة .
- صوفيا: سامي هاد السؤال ماشي ليك نتا .
- أمير : ايه شابة .
- صوفيا: ايه . ؟؟
- أمير : صوفيا اخطينا من الحكاية هادي.
- صوفيا: اوكي .
- سامي : صوفيا وجدي روحك غدوا كي تخرجي من لافاك نروحو نشرو لبسة ؟
- صوفيا: علاش ؟
- أمير : ياك جاد راح يخطب . نسيتي؟
- صوفيا: اهه جاد . نسيت ڨاع حكايتو . ايه نروحو غدوا نشاء الله .
- سامي: نشاء الله . ايه يا لالة ؟
- صوفيا: واش كاين تاني ؟
- سامي : زعما مراكيش اون كوبل ؟
- صوفيا: لالا
- أمير : زعما صح؟
- صوفيا: ايه . صح . زيد لوكان كنت كان راني حكيتلكم . عمبالكم بلي نقوللكم كلشي . و زيد سيبون كرهت عفسة يسموها حب .
- سامي: مزالكي فحكاية هاداك الخامج( الاكس ديالها . نسيت اسمو نديرو خامج . )
- صوفيا: نو. نسيتو .
- أمير : soo what happened? ( سو واش صرا؟ )
- صوفيا: والو مي just الحب يجيب الوجع برك و انا منحبش نتوجع بزاف علابيها . و دوك نقدرو نغلقو هاد السوجي .
- سامي : اوكي . كيما حبيتي .
- صوفيا: ايه و نتا وقتاش تقول لماما و بابا باش يحكو مع عمتو و جدتو .
- أمير : علاش ؟
- صوفيا: آهه معمبالكش. ياك سامي راهو مع سارة و دوك راهو خايف يطيرو بيها دونك قالي بلي راح يحكي مع بابا و ماما مي على حساب شوفة مزال محكاش .
- سامي : حشمت .
- صوفيا: أمير راهي قريبة القيامة . سامي حشم . يوووووو .
- سامي : سيبون صوفيا . حبسي .
- صوفيا: نقولك واش نديرو . منبعد نحكي معاهم انا .
- سامي : قولي والله .
- صوفيا: والله
- سامي: نحبك
- أمير : هدا ڨاع علاجال سارة.
راحو لحقو لدار سلمت صوفيا عليهم بالواحد و عنقت يماها و باباها . منبعد دات يماها و باباها لشومبرة وحدهم . كانت 11 تاع الليل .
- سهام: علاش جينا لهنا ؟ 
- صوفيا: ماما بابا حبيت نقوللكم حاجة؟
- كريم: قولي . حبسي . متقوليليش برك راهم جايين يخطبوك .
- صوفيا: هيا حكاية خطبة .
و ناضت سهام تزغرت .
- صوفيا: ماما حبسي ماشي انا .
- سهام: شكون ؟
- صوفيا: سامي . عجباتو سارة بنت عمتو مريم . و حشم يقولولكم .
- سهام: يوووووو .
- صوفيا: ماما حبسي نسقسيو عمتو و سارة قبل من بعد زغرتي على راحتك.
- سهام: ايه صح.  شوف كريم انا نحكي مع سارة و مريم و ادا قبلو روح احكي مع باباك و قولو .
- كريم : اوكي .
راحو و صوفيا طلعت لشومبرتها و هي طالعة سمعت صوت جاد . جات راح تكمل طريقها مي الهدرة لي قالها وجعتها. 
- جاد : مام انا نحبك . ... نتي الكبدة و القلب و كلشي .... شحال من خطرة نقولك الغيرة ديالك ماعندهاش لازم نحبك نتي ماشي صوفيا.... وي هكاك اضحكي دوكا ... نحبك ...باي ❣️
غير قال نحبك راحت تجري لشومبرتها . دخلت لدوش بلبستها و قعدت تحتو و الماء البارد يسيح عليها.  الهدرة لي سمعتها دوك بزاف واعرة . غير كيما كان يقوللها نحبك و دوك راهو يتمعشق مع وحدوخرة قعدت تحت الماء تبكي . كاش نص ساعة وقفت نحات لبستها و دارت سربيتة و خرجت خزرت فالمراية شافت روحها كيفاش راهي وجها صفر . عينيها حمورا. شواربها ناشفين ... خزرت و قالت
- صوفيا: ايدا كان يحبني كيما كان يقول وقتاش ولا يحب هاد المخلوقة . يسما انا مكانش يحبني . كان يحرش بيا . خلاني نحبو في باطل . دوك تشوف يا مسيو جاد لوكان منخرجكش من عقلك منتسماش .
راحت تكسلت فوق البونك و هي بالسربيتة و رقدت باسك كانت عيانة .
عند جاد :
كي سمعها قالت لدار راني رايحة نرقد راح دار روحو يهدر . حس بيها وقت لي حبست وقت لي راحت تجري . شويا و راح حط وذنو على شومبرتها مسمع والو فتح الباب غير بلعقل سمع صوت البكا . عرفها بلي راهي تبكي . سب روحو و خرج . خلاها تبكي .دوك راهي تبكي بسبتو هوا .
- التحت عند العائلة الكريمة:
كانو قاعدين يقسرو حتى وين نطقت سهام .
- سهام: مريم ختي . معليش نحكي معاك في حكاية تخص بنتك .
- مريم : باينة .
- سهام: شوفي انا وليدي عجباتو بنتك و راهو حاب يخطبها .
- مريم : الراي رايها يا ختي . انا نحكي معاها و كي تجاوبني نجي نقولك . و زيد وين راح نلقى عريس لبنتي خير من وليد خويا . قاري و شباب و كلشي .
- سهام: صحيتي حنونة . مام انا مراحش نلقى وحدة كيما بنتك .عاقلة و زيد متربية و قارية و شابة و زيد بنت خت راجلي . الله يبارك عليها
- مريم : صحيتي ختي . يبارك فيك .
كملو النسا يحكو  و منا منبعد تفرقت لافامي  و جاد راح لشومبرتو يرقد زاد ساعة ولا لشومبرة صوفيا . فتح الباب بلعقل دخل كي سراق شافها راقدة بالسربيتة برك . شاف صدرها و رجليها البيوضة سخن باسها من راسها و راح .
🎬🎬🎬🎬🎬🎬🎬🎬🎬🖤🎬🎬🎬🎬🎬🎬
صحا فطوركم 🌺❣️
تعيشو كثرولي من لي فوت . تعيشو راني كي ختكم و الله راني نعيا .
المفيد نحبكم ❣️❣️