ဒီစနေနေ့။
Volunteer Activity မှာ မပါဝင်ရသေးခင် list ထဲမှာ ရှန်းချောင်ဝေ မပါဘူးဆိုတာကို ငါ အကြိမ်ပေါင်းများစွာ စစ်ဆေးနေမိတယ်။
ဒါကြောင့်ပဲ ငါ ကျောင်းကားပေါ် ပျော်ပျော်ရွှင်ရွှင် တက်ခဲ့ရင်းက ရှန်းချောင်ဝေရဲ့ ခပ်ချောချော မျက်နှာကို မြင်တော့ ငါ ကျောက်ဖြစ်သွားတော့တယ်။
ငါ့မျက်နှာကို အုပ်လိုက်ရင်း စိတ်ထဲမှာ စဉ်းစားနေမိတာကတော့ သူ ငါ့ကို မမြင်ဘူး၊ သူ ငါ့ကို မမြင်ဘူး...
“ အတန်းဖော်ဆွေ့ယင်းယင် ဒီမှာ ထိုင်ခုံတစ်နေရာ လွတ်တယ် ” ရှန်းချောင်ဝေက သူ့ဘေးကို ညွှန်ပြရင်း “ အနောက်ဘက်မှာက လွတ်တဲ့နေရာ မရှိလောက်တော့ဘူး ”
ငါ ပြုံးပြီးတော့ ပြောလိုက်တယ် “ ငါ တစ်ချက် သွားကြည့်ကြည့်လိုက်မယ် ”
လျှောက်သွားကြည့်ပြီးတဲ့နောက်မှာတော့ ငါ တစ်ခါ ပြန်လာရတော့တယ်။
F*ck တကယ့်ကိုပဲ ခုံတွေက ပြည့်နေပြီ။ ငါ ဘာလို့ စောစော မလာမိတာလဲ!
နှလုံးရပ်စေလောက်တဲ့အထိ တတီတီ မြည်တဲ့ ပန်းသီးပုံနှိုးစက်ကို ငါ မပြောင်းခဲ့သင့်ဘူး!
ငါ ရှိသင့်တာ...
“ မင်း မထိုင်ဘူးလား? ”
ငါ ဒေါသတကြီး ထိုင်ချလိုက်တယ်။
ပြီးတာနဲ့ ငါ အဲ့ဒါကို နောင်တရမိတော့တယ်။
ကယ်ပါ ပတ်ပတ်လည်က မိန်းကလေးတွေက ဘာလို့ ငါ့ကို အဲ့လို အကြည့်နဲ့ ကြည့်နေကြတာလဲ!
ရှန်းချောင်ဝေကို ငါ့အတွက် ယူဖို့ ငါ့မှာ လုံးဝ ရည်ရွယ်ချက် မရှိခဲ့ပါဘူးနော်!
ရှန်းချောင်ဝေ : “ မနက်စာ စားပြီးပြီလား? ”
SOS* အဲ့လိုမျိုး ဒွိဟ ဖြစ်စေတဲ့ အသံနဲ့ ငါ့ကို စကားမပြောနဲ့လေ!
ရှန်းချောင်ဝေ : “ ကိုယ့်မှာ snacks တွေ ရှိတယ်။ မင်း စားချင်လား? ”
Pls ကျေးဇူးပြုပြီး ပါးစပ်ပိတ်နေပါ!
ရှန်းချောင်ဝေလည်း စိတ်ရှုပ်လာပြီး “ မင်း... ”
တစ်ချက်ခုန်လိုက်ပြီး ငါ ထရပ်လိုက်တယ်။
ရှန်းချောင်ဝေ : ? ?
ကားထဲမှာရှိတဲ့ လူတိုင်း : ? ?
ငါ : ......
ငါ မရမက ဖျစ်ညစ်ပြီး ပြုံးပြရင်း : “ ငါ ကားမူးလို့ မတ်တတ်ပဲ ရပ်တော့မယ် ”
ရှန်းချောင်ဝေ : “ ကားက စတောင် မထွက်သေးဘူးလေ ”
ငါ : “ ငါ... ခပ်မိုက်မိုက်ကောင်လေးတွေကြောင့်လည်း မူးတတ်တယ် ”
Dignified fake smile jpg
အဲ့နောက်မှာတော့ ရှန်းချောင်ဝေရဲ့ မျက်နှာ ရဲသွားတာကို ငါ တွေ့လိုက်ရတော့တယ်။
━━━━━━━━━━━━━━━━━━━━
wenwen's note :
SOS - အရေးတကြီး အကူအညီတောင်းတဲ့ signal/message
YOU ARE READING
အတွင်းခံတစ်စုံမှအစပြု၍
Short Story𝖡𝗎𝗋𝗆𝖾𝗌𝖾 𝖳𝗋𝖺𝗇𝗌𝗅𝖺𝗍𝗂𝗈𝗇 𝗈𝖿 "𝖠 𝖫𝗈𝗏𝖾 𝖲𝗉𝖺𝗋𝗄𝖾𝖽 𝖻𝗒 𝖠 𝖯𝖺𝗂𝗋 𝗈𝖿 𝖴𝗇𝖽𝖾𝗋𝗐𝖾𝖺𝗋". 𝖮𝗋𝗂𝗀𝗂𝗇𝖺𝗅 𝖭𝖺𝗆𝖾 : 一条内裤引发的爱情 𝖮𝗋𝗂𝗀𝗂𝗇𝖺𝗅 𝖠𝗎𝗍𝗁𝗈𝗋 : 魔王桑桑 𝖤𝗇𝗀𝗅𝗂𝗌𝗁 𝖳𝗋𝖺𝗇𝗌𝗅𝖺𝗍𝗈𝗋 : 𝖲𝖾𝖼𝗈𝗇𝖽 𝖫𝗂𝖿𝖾...
