سَيَهَديهِم وَيُصلِحُ بَالَهُم

تأمل في الدعاء

لحد هاي اللحظة العَظيمة اتأكد كُل ليلة أن دَليل الإنسان التائه والضايع هو دُعاء أبي حَمزة الثِمالي الدُعاء الوحيد إلي يتكلم عَن حال الإنسان بصورة مُتسلسلة بدون أنقطاع كُل إنسان َميعرف طريقه وين ضروري يرجع يتمعن بمضامين هذا الدُعاء العَظيم بي أعترافات رَهيبة ومصداقية بالمَسألة ومضامين عالية جداََ.
مالي كُلَّما قُلْتُ قَدْ صَلَحَتْ سَريرَتي، وَقَرُبَ مِنْ مَجالِسِ التَّوّابينَ مَجْلِسي.
عَرَضَتْ لي بَلِيَّةٌ اَزالَتْ قَدَمي، وَحالَتْ بَيْني وَبَيْنَ خِدْمَتِكَ.

المضمون الأول والأعتراف الأول :

إلهي آني شديصير بيه شو كُلما أجيت اگول انه هسة صرت آدمي وصرت مُحترم وراح أسمع كلامك وأطيعك مثل متريد واتوب ويه إلي تابو وعزفو عن الذنوب فجأة تجيني بلوة وشغلة آني بيدي اسويها تصير مثل العَثرة گدامي وصارت مثل الحاجز بيني وبينك ليش هيچ ديصير وياي يا سيدي..
سَيِّدي لَعَلَّكَ عَنْ بابِكَ طَرَدْتَني.

الأعتراف الثاني :

معقولة يا ربي طردتني من بابك زين يمكن أنت بعد متريدني متريد تسمع صوتي وآني ادعوك؟ يمكن أنت بعد متريد تشوفني؟ وطردتني من رحمتك؟
هيچ انه استاهل..
اَوْ لَعَلَّكَ رَاَيْتَني مُسْتَخِفّاً بِحَقِّكَ فَاَقْصَيْتَني.

- او يمكن شفتني يا إلهي مستخف بحقك وممأدي واجبي وممنطيك حَقك ومشغول آني بالدنيا وبالفلوس وبالمغريات وبالذنوب وناسيك.. ناسيك لدرجة حتى ما أفكر بيك يمكن شفتني هيچ داسوي فبعدتني عنك وطلعتني من دائرة المؤمنين..
اَوْ لَعَلَّكَ وَجَدْتَني في مَقامِ الْكاذِبينَ فَرَفَضْتَني،

- يمكن شفتني چذاب ومااستحي وقليل أدب اجذب ع الناس وع اهلي وع أصدقائي واجذب ع نفسي وانافق حتى بأعمالي فرفضتني ومتتقبلني بعد وزعلان مني..
اَوْ لَعَلَّكَ رَاَيْتَني غَيْرَ شاكِر لِنَعْمائِكَ فَحَرَمْتَني،

- اني مااشكر نعمتك اتبطر ع حياتي ودائماََ تعيس وكأيب واگول كلشي ماعندي مغرور ومعاجبني العجب بهالدنيا ونسيت اشكرك ع أعظم النعم وابسطها نسيت اشكرك ع صحتي وعافيتي وسقق بيتي وأكلي وشربي نسيت اشكرك ع كلشي أنت نطيته إليه ومموجود عد غيري فحرمتني من كلشي..
اَوْ لَعَلَّكَ فَقَدْتَني مِنْ مَجالِسِ الْعُلَماءِ فَخَذَلْتَني، اَوْ لَعَلَّكَ رَاَيْتَني فِى الْغافِلينَ فَمِنْ رَحْمَتِكَ آيَسْتَني، اَوْ لَعَلَّكَ رَاَيْتَني آلفَ مَجالِسِ الْبَطّالينَ فَبَيْني وَبَيْنَهُمْ خَلَّيْتَني، اَوْ لَعَلَّكَ لَمْ تُحِبَّ اَنْ تَسْمَعَ دُعائي.

- خذلتني بحياتي لأن متشوفني بمجالس أهل العلم ملتهي آني احمل اجدد الأغاني واحفظ كل الالفاظ السيئة حتى اتمازح بيها ويه الناس واكسر قلبهم  مااطلب العلم لأن مابيه حيل ومابيه خير

- وشفتني غافل بالمسلسلات والأفلام والملابس والكشخة والموضة والغيبة والنميمة وناسي آني عندي سجل أعمال اتحاسب ع كل حرف وكل فعل صغير وجبير فأيستني من رحمتك..

- شفتني يمكن أنت وين ما اكو مجالس بيها باطل اروحلها واشارك بيها مجالس الأعراس المحرمة مجالس البهتان والنميمة والهمز واللمز مجالس الناس إلي تچذب ع ناس مجالس الكلام المحرم ويه الجنس الآخر والعلاقات إلي خلتني احير بدنياي واضيع طريقي فأنت خليتني بين هاي المجالس لأن آني ما اجيتك وماقبلت اتركها فعفتني اغرق وياهم لأن آني مو آدمي...
فَوَعِزَّتِكَ لَوِ انْتَهَرْتَني ما بَرِحْتُ مِنْ بابِكَ، وَلا كَفَفْتُ عَنْ تَمَلُّقِكَ لِما اُلْهِمَ قَلْبي مِنَ الْمَعْرِفَةِ بِكَرَمِكَ وَسَعَةِ رَحْمَتِكَ، اِلى مَنْ يَذْهَبُ الْعَبْدُ إلاّ اِلى مَوْلاهُ، وَاِلى مَنْ يَلْتَجِئُ الَْمخْلُوقُ إلاّ اِلى خالِقِهِ، اِلهي لَوْ قَرَنْتَني بِالاَْصْفادِ، وَمَنَعْتَني سَيْبَكَ مِنْ بَيْنِ الاَْشْهادِ، وَدَلَلْتَ عَلى فَضايِحي عُيُونَ الْعِبادِ، وَاَمَرْتَ بي اِلَى النّارِ، وَحُلْتَ بَيْني وَبَيْنَ الاَْبْرارِ، ما قَطَعْتُ رَجائي مِنْكَ وَما صَرَفْتُ تَأميلي لِلْعَفْوِ عَنْكَ، وَلا خَرَجَ حُبُّكَ مِنْ قَلْبي، اَنَا لا اَنْسى اَيادِيَكَ عِنْدي، وَسِتْرَكَ عَلَيَّ في دارِ الدُّنْيا، سَيِّدي اَخْرِجْ حُبَّ الدُّنْيا مِنْ قَلْبي، وَاجْمَعْ بَيْني وَبَيْنَ الْمُصْطَفى وَآلِهِ خِيَرَتِكَ مِنْ خَلْقِكَ وَخاتَمِ النَّبِيّينَ مُحَمَّد صَلَّى اللهُ عَلَيْهِ وَآلِهِ،
بس آني بعد كل سواد وجهي منك يا رَب وحقك عزتك وجَلالك لو طردتني مراح اعوف بابك ولا اعوف التملق الك واضل احچي وياك واضل أنتظر لأن أدري بيك رحيم وعفو وغفار وراح تنظرلي نظرة الرحمة زين هو العبد إذا ميروح لربه وين يروح؟ منو يقبل بيه؟ محد يقبلني بعلاتي غيرك يا حبيبي
إلهي إذا خليت بأديي الأصفاد ( الكلبشات) وقيدتني بيها وإذا منعتني (سيبَك) عطائك من بين كل الناس وجبت كل العالم يشهدون ع فضايحي وذنوبي وتگللهم شوفو هذا المو خوش آدمي وانوب إذا امرت الملائكة يسحلوني سَحل للنار ويعذبوني وقطعتني من أن انحشر ويه المؤمنين لو سويت بيه كل ذني واتعس منهم يا رب مراح اقطع رجائي منك وراح اضل اتأمل عفوك ورحمتك يا أول حَبيب إلي يا إلهي ولا راح يطلع حبك من قلبي شتسوي بيه راح احبك أكثر وأكثر آني ماانسه اياديك عندي ماانسه كل موقف نقذتني منه وكل بلاء دفعته عني بس طلع حُب الدنيا الدنيّة مني ما أريدها أريدك بس أنت ما أريد غيرك
إلهي سويني خوش آدمي..🤍
#ابي_حمزة_الثمالي