سَيَهَديهِم وَيُصلِحُ بَالَهُم

كلش احب رب العالمين

كلش أحب رب العالمين

مثلاً من خلقلنا اَل البيت بجمالهم وعطفهم ورحمتهم،لعد هو شون؟
احنه بجال آل محمد رافعين روؤسنا گدام الطوائف الثانية،زين شون بالرحمة الحقيقية إلي مَنبع الإلهية؟
مَدري شگول بس اليتقرب من الخالق راح يحس روحه طير
بدعاء يا مفزعي
من ضمن الكلام يا صَاحبي عند شدتي
هنانة شهالجمال أريد أفهم؟
ترا حُب والله حُب
نصيحة إلي والكم أبد لا اتركون رب العالمين حتلو چنه مذنبين وعاصين لا نتركة هو اليهدينا ع لحظة
لا تخلون اليأس يغلبكم،خلو عين قلبكم مفتوحة اله دائماً
خلوا سلاح الأنبياء وياكم وملازمكم دائماً اللي هو الدعاء
خلو لسانكم يلهج بالدعاء
دمعتنا تهون عند أمنا وأبونا بس عنده ماتهون
تخيلوا كمية الحُب
إن الله يُحبُ المُتقين
إن الله يُحبُ التوابين
إن الله يُحبُ المؤمنين
إن الله يُحبُ المتوكلين
إن الله يُحبُ الصابرين
يا زينب أصبري
إنك بأعيننا
يازينب لا تحزنين
لا تخف ولا تحزن إنا مُنجوك
يازينب لا تيأسين
فأستجبنا لهُ ونجيناهُ من الغم
رب العالمين مارايد منا غير بس نخطي خطوة وحدة حتى نصلح نفسنا والباقي يگلك آني عليه الموضوع
أرتبلك الأسباب وأهديك
مجرد أتقدم خطوة وحدة وگول يا الله
وشوف التغيير إلي حيصيرلك
أربعين سنة آني ما أصلي وفجأة حسيت ع نفسي آني غلطت وجافيت رب العالمين ولاَزم أرجع إله
تتوقعون يگله ما أريدك بعد
وين چنت كل هالمدة حتى هسه ترجع إلي؟
لو يگله يا عبدي هلا بيك برحمتي آني قابل توبتك أرجع خل نبدي صفحة جديدة آني وياك
اليحب رب العالمين من صدك راح يحب حتى أبتلاءة
والدليل مولاتنا زينب شگالت من بعد مصيبة الحُسين؟
كيف رأيتِ صُنع الله بكِ؟
ما رأيتُ إلا جميلا
يعني المتذوق حُبه الله لو يخلي بأصعب الأختبارات يگله إلهي الحمدلله ع هالأختبار
النبي موسى گله إلهي شتريدني اسويلك؟
گله حبب خلقي إليّ
سولفلهم عني وعن رحمتي
يعني شگد جميل رب العالمين!
هو خالقنا، نحنُ عيال الله يگول إمامنا زين العابدين
غضب رب العالمين قطرة ببحر رحمته
إذاً خل نرجع إله لا نسوف باچر أرجع وباچر أتوب وتالي أرجعوني لعلي أعمل صالحاً
هاي اكو فد نبي مل من قومة وگله إلهي أريد تنزل عليهم العذاب وبأسرع وقت إلهي ذولة تعبوني بعد مااتحملهم
گله رب العالمين زين قبل كلشيء أريد منك شيء جيب أربع طيور وربيهم 40يوم وبعدين اذبحهم
المُهم النبي رباهم وكل يومية يطعمهم ويباوعلهم شون يكبرون

اجه اليوم الموعود گله رب العالمين اذبحهم
گله إلهي ما اگدر آني تعودت عليهم صرت احبهم وما أريد شيء موزين الهم
گله زين شون تگلي أريد تنزل العذاب ع عبادي وتريدني أذيهم؟
ذولي عبادي وخلقي آني احبهم

دتحسون بالجمال إلي هنا والحنية شگدها!!!!
رب العالمين مو بحاجتنا بس احنا المحتاجي فَلذلك لا انتركه حتى مانخسر 🌿🤍
إشمَلو ارواحَنا بدعوةٌ مِن قلُوبكَم ..