سَيَهَديهِم وَيُصلِحُ بَالَهُم

أبو علي 🤍✨

ابو علي حَنين كلش حَنين
الإمام الحُسين للغرقى للمذنبين دار للماعنده دار اب للماعنده أب  عَطوف وقَوي وثابت وصاحب عَزيمة وأكبر دافع يخلي الإنسان يواصل مَسيره گلبه ترف ناعم
ابتسامته تزيح الهم من القَلب أمل لكل واحد فاقد أمله سَفينة نجاة للغرگان
هو يمشي للشخص المايقبل يمشيله
مايرد أحد يدگ بابه ملك والملك مهيوب يأسر قلوب المُحبين
ابو علي نعمتنا العَظيمة حتى الدَمعة عليه حلوة وبيها لَذة
ابو على الوحيد الميأذينا إلي يريد خاطرنا حتى لو چنا مو خوش أوادم مجرد ما اصيحة واگله الحگلي يبو سكينة يجينا مثل البَرق مثل الغَيث عسريع ميتأخر حتى لو احنا تأخرنا هو يجي بالموعد بس احنا نحتاج نشوف بعين القَلب محتاجين نحس بوجودة محتاجين ماندير عيوننا عنه
ابو علي ماساكن بكربلاء ساكن بالگلب كون آني بگلبي ابنيله مَرقد كون احافظ ع نَفسي وديني لخاطر عيالة وتعبه
ابو علي فدالنا الغالي والنَفيس حتى بَس نعيش احنا لوما وجودة مانوجدنا احنا
شگد ما نحمد الله ع نعمة وجوده مانوفيه
شگد قاسيه گلوبنا وشگد تَرف گلبه مجرد ما نحلفه بأهله مايردلنا طَلب
نطب للضريح نوگف بالباب نكسر خاطره لأن حنين نوگف نصيحلة يابويه يابو علي لو نسمع بأذن القَلب چان سمعنه جوابه
هو الحضن الدافي لكل شَخص وحيد بس گلوله نريد نبيع أرواحنا.. راح يشتريكم
ابو علي خوش شرّاي
يابعد روحي يا بوية.