سَيَهَديهِم وَيُصلِحُ بَالَهُم

الأيام الصعبة

الأيام الصعبة تاخذ من عندنا جزء كبير
نفني بيها صحتنا وقوتنا وحتى
مساحة كبيرة من تفكيرنا
ونبقى نتمسك بكل الحلول الممكنه سواء تعالج المشكلة أو لا المهم نحاول
بس بدون فائدة
يجي الدور على الليالي الطويلة
الما تطلع شمسها إلا وأحنا مخلصين
دقايقها بچي ودعاء من القلب عسى تخلص بسرعة ويجي اليوم إلي تخلص بي
وكل شيء ينتهي وترجع السَكينه
وتمضي الأيام
وتصادفنا ذكرى ذيچ الأيام
ونضحك اي نضحك وبكل شعور
صادق أنا منبهرة
شلون أيام خانقة عديناها بكل ألم
نجي ونضحك عليها بعدين ..
الحمد لله دائماً وابداً
ماكو شيء يبقى كما هو وماكو مشكلة تبقى مرافقة الإنسان للأبد
وماكو شيء ما إله حل
وماكو بداية ما الها نهاية
وماكو كسر ما إله جبر عظيم من رب العزة