سَيَهَديهِم وَيُصلِحُ بَالَهُم

حريتي الشخصية وبكيفي

يا مكثر الناس إلي زلگت تحت مسمى
حريتي الشخصية وبكيفي
رب العالمين لا تتعامل ويا بهالمنطلق
وتاليها يحل غضبة عليك وتروح بالرجلين
صير مؤدب وي خالقك لأن هو مو مخلوق حتى تتعامل ويا هيچ هو خالقك ويگدر بثانية يمحيك من الوجود وكأن كان ولم يكُن
إذا متحترم العالم احترم الله عز وجل
ليش من تريد تتقي رب العالمين تخاف تطلع رأسك من الناس خاف شو شنو يگولون عنك
بس متخاف من القادر لمن تعصي ليل ونهار وعندك الذنوب مثل الزلاطة
ملابسك إذا توسخت تستحي تطلع بيها للسوك بس روحك المليانة ذنوب ومعاصي عندك عادي شيء مختلف طهر داخلك قبل ملبسك
وطهر لسانك قبل كلامك بالدين وأنتَ
من جواك مليان حقارة
استحي من رب العالمين قبل لتستحي من الناس
ترا تروحله وحدك وتوگف گدامه وحدك
مراح تاخذ فلان وعلان
ضامن روحك إنو راح تنجح بحسابك
لو تنصلي بنار جهنم؟
متأكد إنو كتابك راح تقدمه بيمنتك مو من ورة ظهرك؟
عود بذيچ اللحظة گله إلهي حريتي الشخصية خل تفيدك زلكات الشيطان🙃!لا يوجد شيء في الدين يُسمى"حرية شخصية"أنت عبدٌ لله فَتأدب