سَيَهَديهِم وَيُصلِحُ بَالَهُم

مواثق بجمالك

اذا جنت مواثق بنفسك وبجـمالك وباسلوبك وبجسـمك ، باوع النفسك بالمراية ركز زين بجسمـك حرك ايدك حرك رجلك  ارمش بعينك وباوع حولك . احجي وطلع صوت  اضرب الخشب واسمع الصوت . اتنفـس وجر نفس طويل كل هالشياء الي سويتها اكو غيـرك يتمنه عنده وحده منهم  اكو الي يتمنه يشوف واكو الي يتمنه يمشي ويحرك رجله واكو الي يتمنه يكدر يتنفس براحه واكو الي يتمنه يسـمع واكو الي يتمنه يحجي ورغم كل هالـشي الي يتمـنومقلت ثقتهم بنفسهم مكملين حياتهم بسعاده وحامدين ربهم وشاكري  على كل حال هسه راح تكلـي انت ليش حجيت كل هذا وهذا شدخله بالثقه اكيد انت تشـوف شي بغيرك تكول اني ليش معـندي مثله من تكول هيج هذا يدل على انعـدام الثقه دا احجي من جانب الشكل والجسـم مو من جانب الماده مثـلا السياره او البيت او الخ . المهم خليك دائما واثق بنفتسك اهم شيئ هيه الصحه مو مهم اذا جنت سمين او ضعيف اسمر او ابيض حيل " مادري شلون رهمت مال ابيض حيـل بس يلا المهم الفكرهخلي ثقتكم عاليه بنفسكـم دائما واستانسو واضحكو ترا كلنه ندري انو نعيش مرا وحده بهالدنيا  خلينه نعيش بسعاده ونحارب الحزن بالثقه وعدم الاهتمام للشي الي يضوجنه. كل متثق بنفسك اكثر كل متستانس بهالدنيا اكثر " ولتنسون اهم شي الثقه بالنفس سبب نجاح كل انسان قوي ثقـتك بنفسك حتى توصل للي تريده وتحـقق الي ببالك
كل هالكـلام دا احجي من جانب النجاح او الشـكل او الجسم او الطبـع مو من جانب شي ثانـي .