رواية انقذيني
الجزء الاول
اني لابسة ملابس العيد الي اشتريتهن قبل يومين وحطيتهن يم راسي من فرحتي بيهن ودا افتر على عمامي حتى اخذ منهم عيديتي ترن ترن ترن (منبه) دگ المنبه فتحت عيوني بنعاس بس بسرعة اجتي ببالي فكرة انو اليوم عيد يااي اليوم الي صارلي شهر انتظرة گمت من فراشي بحماس ورحت للحمام وغسلت وجهي وبدلت ملابسي مال العيد ونزلت اركض يم اهلي ولكيت اختي مريم گاعدة قبلي ومبدلة وديتريكون
تمارة: صباحححح الخييير
الام: هلا صباح النور يوجه العافية
الاب: صباح النور بابا يلا تعاي تريكي جبت گيمر عرب لان اعرف بيج تحبي
تمارة: ياااي گيمر عرب
(وبست بابا من خدة ورحت گعدت بحظنة وهو صار يوكلني واني فرحانة لان عيد)
خلصنة اكل وكال بابا حظروا نفسكم نروح البيت جدكم وطبعا ما اوصف فرحتي هي جانت فرحة طفل بشي يحبه خليت ماما تمشط شعري وسوتلي شعري الطويل ظفاير حلوات ومريم عافت شعرهة مفتوح بس مشطتة متحب تظفرة لانة قصير خلصت كولشي ورحت ادور على بابا لكيتة بالحديقة ديرش الزرع اجيت من وراة
تمارة: بوووووو (عود دا اخرعة)
الاب: يمة شبيج تمارة بابا راد گلبي يوگف من الخوف
تمارة: هههههههاي ضحكت بفرحة كأنو سويت انجاز مع انو ادري بي ما اخترع بس ديمثل حتى يفرحني
الاب: بابا تمارة شوفي امج خلصت كولشي حتى نروح
تمارة: اوكي بابا
ركضت الامي وصحت واني اركض
مااااامااااا بابا يكول خلصتي حتى نروح
الام: لا تصيحين تمارة اني بصفج ترى مو بعيدة
كوليلة اي خلصت معندي شي هسة بس البس عباتي واطلع
تمارة: حاضر ماما
ركضت البابا وكتلة:
ماما تكول خلصت هسة اجي
تمارة: صدوك بابا البارحة سمعتك تكول اجوي خطار البيت جدو... منو الي اجة؟
الاب: اجة عمج فلاح الي عايش بأربيل
تمارة: رمشت بعيني بثول لاني ما اعرفه ورجعت سألتة.... وهذا عمي عندي جهال؟
الاب: اي عندة اثنين بنات وثلاث ولد هسة بس تشوفيهم تحبيهم بناتة حبابات
تمارة: يعني بناتة بگدي؟
الاب: اي حبيبتي
تمارة: حسيت الدنيا مواسعتني لان ح اتعرف على بنات جدد وبنات عمي هم وراح اتباهة بيهن لان عندي بنات عم واني بطبعي احب الصداقات واللعب يعني ح اتونس وياهن... كل هذا فكرتة واني بعدني واگفة كدام ابوية
الاب: الصفنة مو الج هههههه
تمارة: حجيت بتنعوص وتذمر بنفس الوقت.... بااابااا
أنت تقرأ
أَنقِذِينّيِ (باللهجة العراقية)
Lãng mạnماذا يحصل ان قررت فتاة العيش مع شاب في بيت واحد لتستطيع ان تعالجه من المرض النفسي والاكتئاب.......؟
