رواية انقذيني
الجزء التاسع
تمارة: صدوك عمة لعد علي وين؟
ميسم: بغرفتة ومدري شبي حتى اكلة قليل سألتة يكول راسي يوجعني وما اشتهي اكل
تمارة باوعتلهة وعرفت انو عمي ما كال على موضوع استبرق وكلت: لعد اروح اشوفه اني
الام: اكعدي ولج شعندج رايحة ولد وحدة بالغرفة عيب ميصير
تمارة: ماما شبيج ترى علي مثل اخوية واني متعودة علي شنو متتذكرين لمن جنت انام يمة اني وسيرين؟
الام: اي حتلو جنتوا صغار بس هسة كبرتوا ميصير تدخلين الغرفة ولد وحدج
تمارة گلبت عيوني بملل وكلت: اوكي لعد خلي اروح للحمام
الام: لا تتاخرين حتى تصبين وي عمتج انتِ وسيرين الغدة لان مريم متكدر بالفستان والمكياج
تمارة: اوكي ماما
طلعت من الصالة وسويت نفسي متجهة للحمام ولمن شفت ماما ملتهية تسولف وي عمة ميسم انداريت وطگيتهة ركضة الغرفة علي وگفت گدام الباب ودگيتهة على كيف بس محد رد دگيت مرة ثانية وثالثة ومحد رد فتحتهة بهدوء ودخلت لگيتة نايم بس صايرة هالات سود جوى عيونة كولش انقهرت لان علي كولش مهم بالنسبة الي واحسبة اكثر من اخوية وما اتحمل اشوفة هيج متعذب لازم احجي وي عمو بلكي نلگة حل
تمارة حطيت ايدي على كتفه وهزيتة: علي علي كوم يلا اريد احجي وياك
علي: فتح عينة باوعلي بنظرة باردة وكعد ع الجرباية وكال... شبيج تمارة متشوفيني تعبان ليش كعدتيني هو اني بالگوة نمت
تمارة: شلون تنام وانت تدري بية راح اجي
المفروض تكعُد وتنتظرني
علي: واجيب جكليت اطش عليج بعد مو؟
زين شكو حاطة هالكد مكياج وتارسة عينج من هذا الاسود
تمارة: اولا اكيد لازم تطش علية جكليت لان اني اخت العروس وبنت عم العريس وثانيا مكياجي مو هواي وطالعة حلوة بي ادري بدون متكول
علي: باوعلي صفح وكال.. تمارة مالي خلكج هسة شتريدين؟
تمارة: كعدت بصفة ع الجرباية وكلت بجدية ... حجيت وي عمو بعد لو لا؟
علي: صار اسبوع احجي وياه بس ميفيد معند يكول شلون اخطب الابني وحدة ابوهة سكير شيكولون علية العالم
تمارة: افففف لعد شلون شنسوي؟
علي: ما ادري تمارة راسي ح يطك من التفكير المستمر
تمارة: خلي احاول اليوم بلكي الگة فرصة و احجي وياه
علي: حاولي بلكي يسمع منج... وكوليلة شعلينة بابوهة احنة ح ناخذ البنية مو ابوهة
تمارة: حصرتني الضحكة وكلت... اتخيل تتزوج ابوهة السكير هههههاي
علي: ابتسم ابتسامة حزينة وكال.... والله عندج سوالف... كومي لج كومي اريد اكمل نومتي الحرمتيني منهة
أنت تقرأ
أَنقِذِينّيِ (باللهجة العراقية)
Romanceماذا يحصل ان قررت فتاة العيش مع شاب في بيت واحد لتستطيع ان تعالجه من المرض النفسي والاكتئاب.......؟
