رواية انقذيني
الجزء الثالث والاربعون
تمارة: كاعدة اطبخ وفاتت سيرين للمطبخ وكالت
سيرين بفرحة: تمارة باجر راح نرفع الدعوة اني وعلي
تمارة: انشاء الله تفوزون بيهة.... بس اعتقد انو لازم تكولون العمو ماجد قبل هالخطوة
سيرين: اي صح لازم احاجي علي حتى يكوله
تمارة: على كل حال مبروك مقدما
سيرين: على طلاگي ههههه
تمارة: على راحتج بشكل عام
سيرين: شكرا حبيبتي
تمارة: باوعت الشكلهة جانت ما فرحانة بس تمثل هالشي وعرفتهة من صفنت بالفراغ وتفكيرهة مو يمي وبمكان ثاني اتقربت يمهة وكلت.... تحبي؟
سيرين: منو؟
تمارة: منتظر تحبي؟
سيرين بأنفعال: لا اني احبة؟... مستحيل شبية الا تخبلت
تمارة: سيرين تعرفين انو متكدرين تعبرين علية هالحجي واكشفج بسرعة فلا تجذبين
سيرين: شوفي تمارة اني ما احب منتظر ولا بيوم راح احبة بسبب انه كسرني واتزوج علية
تمارة: يعني انتِ غيرانة لو ضايجة على كبريائج الي انكسر بالزوجة الثانية؟
سيرين: ما اغار علي بس اني ضايجة على ال3 اشهر ونص الي قضيتهن وياه حرامات
تمارة: شلون جانت علاقتكم بيهن؟
سيرين: ابرد من الثلج تخيلي حتى كلام ما يدور بيناتنة ولا كأنو اني انسانة موجودة يمة
تمارة: هو مجان يهتم الوجودج بسبب هاي الحية مرام
سيرين: اي صح هي الي تلعب بعقلة... ياخي ما اعرف شلون تقبل تتزوج رجال متزوج
تمارة: بحجة احبة واني قبلهة اريدة وتقبل بي مفلفلات ذني بس يردن واحد ينفگهن
سيرين: ههههه حلوة هاي الكلمة
تمارة: يلا ولج تعاي اطبخي التمن انتِ واني اسوي المرگة مو تذبيهن علية كولهن
سيرين: هههههه من عيوني
تمارة: سالمة عيونج
سيرين: مر اليوم عادي وثاني يوم داومت وبالمحاضرة شفت طالب يباوعلي ومركز بوجهي استغربت منة وبعدين كلت خلي اتجاهلة اكيد زاحف مثل ذولي الشباب... كملت المحاضرة وطلعت للحديقة كالعادة شوية وسمعت صوت يصيح بأسمي رفعت راسي وشفتة نفسة الولد... اجة وكف كدامي وكال
سجاد: مرحبا
سيرين بثگل: اهلا مراحب... اتفضل اكدر اساعدك بشي
سجاد: شوفي سيرين من الاخير اني لا احب الف وادور ولا احب الصداقات واني جايج من الباب ورايد اطلب ايدج وبس كولي ايي اهلي يجوكم العصر
أنت تقرأ
أَنقِذِينّيِ (باللهجة العراقية)
Romanceماذا يحصل ان قررت فتاة العيش مع شاب في بيت واحد لتستطيع ان تعالجه من المرض النفسي والاكتئاب.......؟
