رواية انقذيني
الجزء الخامس والاربعون
سيرين: كاعدة بالكلية ورن تلفوني رفعتة وشفت هذا منتظر... فتحت الخط وكلت.. الو
منتظر: الو ها عمري شلونج
سيرين: زينة بس نعسانة حيل وجسمي يوجعني من التعب
منتظر: كلشي ما سوينة البارحة ترى
سيرين: سهرنة والصبح كعدنة كأنو مخابيل نركض ونلبس حتى محد يشوفك
منتظر: كتلج لا تهتمين حتلو يشوفوني.... بس انتِ ضليتي تنگين الا هسة تطلع
سيرين: اذا شافوك هسة يكولون ها مو ع اساس متريدي اشو نايمة بحضنة
منتظر: اخخخ الله مو نومة والعباس تخبل
سيرين: اني طاح حظي بسببك وكعدت جسمي خدران لان انت نايم فوكاي
منتظر: لا حبيبي انتِ تخدرين لمن اجي يمج مو لان نمت عليج
سيرين: منتظر روح عني مالي خلك سوالفك
منتظر: صدك شوكت ترجعين يمي؟
سيرين بتلقائية: ما ارجع
منتظر: ليش انتِ طلبتي الطلاك؟
سيرين: لان اتزوجت علية
منتظر: وهسة اني راح اطلك بعد ليش مترجعين؟
سيرين: واني شمدريني صدوك راح تطلك يجوز تضحك علية حتى ارجعلك
منتظر بعصبية: سيرين تعرفين هذا مو طبعي ولا تختبرين صبري ترى اجي اسحلج من بيت اهلج واجيبج بحضني وتعرفيني اسويهة
سيرين: من تطلك واشوف الورقة يلا عود اصدك..... اما هسة فأعذرني يا ابن عمي العزيز
منتظر: اني زوجج مو بس ابن عمج.... واني ما ينشرط علية يا سيرين ... حطي هالشي ببالج
سيرين: هذا حقي وما حجيت شي غلط ولا طلبت معجزة ومتكدر تنفذهة
منتظر: اني رايح عندي شغل مع السلامة
سيرين ببرود: الله وياك
سديت التلفون منة واني ضايجة ولو الزمة يجوز اگطعة بسنوني...باوعت الساعة صار وقت جيت علي اخذت ملازمي وكمت طلعت لكيت البنات جايات ومنتظريني صعدت وسلمت عليهم ووصلنة للبيت.... دخلت واني احس بجسمي كولش تعبان دخلت سبحت ورجعت مددت ع الجرباية رفعت التلفون باوعت اكو اشعار من برنامج الشهرية ويكول انو شهريتي متأخرة... فتحت عيوني بصدمة واني اشوف الاشعار بس بعدين كلت لا ما معقولة من مرة وحدة احبل بسرعة وما اهتميت للموضوع ذبيت التلفون ونمت....
______________________________
تمارة: صبيت الغدة ورحت اصيح العلي لكيتة لازم التلفون ومبتسم... ضليت واكفة وصافنة علي وهو يكتب رسالة ويرجع يضحك والابتسامة واصلة للاذن.... احس نفسي دخنت اتقربت يمة بسرعة وسحبت التلفون بدون مينتبه باوعت للمحادثة جان مكتوب... حسين قضية.... ما صدكت وقريت الرسائل جانوا يحجون عن قضية وهذاك الولد يحشش على محامية وياهم ويكول صابغة وجهة بوية ومدري شنو.... رجعت عيني العلي لكيتة صافن علية وعاگد حاجبة مستغرب.... ابتسمت من الفشلة ورجعت التلفون بأيدة وكلت
أنت تقرأ
أَنقِذِينّيِ (باللهجة العراقية)
Romanceماذا يحصل ان قررت فتاة العيش مع شاب في بيت واحد لتستطيع ان تعالجه من المرض النفسي والاكتئاب.......؟
