رواية انقذيني
الجزء الرابع والاربعون
سيرين: كاعدين ع العشاء وبابا كال
الاب: منتظر متعارك وي مرتة وكاتلهة تدرون؟
سيرين: عادي هو همجي هيج دائما
الاب: يعني انتِ مقهورة ع البنية وهي ضرتج
سيرين: اني ما عندي ضرة لاني ما معتبرة نفسي زوجة منتظر اصلا
علي: صدك سيرين سويت الاوراق مال الدعوة والاسبوع الجاي نمشي بيهن انشاء الله
سيرين: انشاء الله.... كملت اكلي واني افكر ليش منتظر صار يتصرف وي زوجتة هيج وهو يموت عليهة ومستعد يتخلى عني علمودهة جان.... كمت الغرفتي وفتحت الحضر عنة بالواتس... ورحت للانستا لكيتة كاتبلي هواي رسائل ومنهن
.... سيرين اني مشتاقلج
... محتاجج
... تعبان
... اني ندمان كلش ندمان
... ردي ارجوج ما اتحمل بعدج اكثر
سيرين: غمضت عيني واني اقرة الرسائل وكلت اكيد لان مرام عافتة يريد يتونس وياي لان هو انسان شهواني ويحب نفسة بس... سديت التلفون وطلعت من الغرفة رحت الغرفة علي لكيتة كاعد يگلب بالتلفون ع الجرباية.... دكيت الباب وكال
علي: طبي سيرين ماكو داعي تدگيهة
سيرين وهي تدخل: اكلك علاوي طلعنة حباب
علي: شعندج طالعة مو هذاك اليوم طلعتكم
سيرين: ترى صار اسبوعين مدري اسبوع ونص من طلعتنة انت
علي بحنية: اي وين تردين تطلعين؟
سيرين: اي مكان اهم شي ونسة
علي: تروحين اىمدينة الالعاب
سيرين: اي والله اكيف احب هالاشياء
علي بتراجع: لا ما نروح الهة لان تمارة تروح تصعد العاب خطيرة وتتأذة وهي حامل
سيرين: اي والله تمارة خبلة تسويهة
علي بتفكير: لعد وين نروح... وين نروح...وين
سيرين: للحديقة نجيب موطة وكرزات ونتونس احلى شي هاي
علي: اي خوش فكرة ما بيهة خطورة يلا لعد بدلي وراح اكول التمارة واهلي يجوز يطلعون
سيرين: اوكي
علي: كمت للمطبخ لكيت تمارة تغسل مواعين العشاء باوعت بالمطبخ مجان اكو احد اجيت وحظنتهة من ورى هي طفرت واخترعت بس من شافتني كالت
تمارة: والله خوفتني علي ليش هيج
علي: مسويت شي ترى بس حضنتج
أنت تقرأ
أَنقِذِينّيِ (باللهجة العراقية)
Lãng mạnماذا يحصل ان قررت فتاة العيش مع شاب في بيت واحد لتستطيع ان تعالجه من المرض النفسي والاكتئاب.......؟
