رواية انقذيني
الجزء الخامس والثلاثون
سيرين: قضيت الاسبوع هذا ببيت عمي وجان كولش بارد حتى مشاعر ما بي بس اني صرت ما اهتم واتونس وي زهراء واسولف وي عمي ومرتة وهمة كولش يحبوني ومكفيني حبهم ودائما اسمع منتظر يخابرهة ويقنع بيهة لان زعلانة منة ويكوللهة لا تخافين والله بس انتِ احبج لا سيرين ولا غيرهة.... لمن اسمع كلامة هذا اتمنى ادفن نفسي وما اضل عايشة وياه بس ارجع اقوي نفسي واكول ميهمني... رجعت الدوامي وصار هو يوصلني كل يوم صرت احاول افتح وياه مواضيع بس هو يتجنب الكلام وياي اغلب الاحيان واني احفظ كرامتي واسكت... اهتميت بشغل البيت وي عمتي وزهراء وصارت كل مسؤلياتة علية من ملابس واكل وصرت اشتغل كل ذني واداوم حتى اشغل نفسي وما افكر انو زوجي يحب وحدة غيري صحيح اني ما احبة بس ما اعتقد اكو مرأة بالدنيا تقبل زوجهة يحب غيرهة وميريدهة... بس حاولت اركز على دراستي واتناسى منتظر شوية... وجنت كاعدة اسفط ملابسة الي غسلتهن ودخل للغرفة وهو يلهث وكال
منتظر بخوف: اكلج سيرين سدي الشبابيك
سيرين: ليش شبيك
منتظر: سديهن صايرة عاصفة برى حبابة بسرعة
سيرين بأستغراب: اي هسة
رحت سديتهن واني مستغربة شبي هذا رجعت اباوعلة كاعد ع الجرباية ويفرك ايدة بقوة اتقربت يمة وكلت
سيرين: منتظر بيك شي؟
منتظر: هاا لا ما بية بس اضوج من الهوى العالي والعواصف
سيرين: اها
رحت كعدت ع الجرباية واشوفة كلما يصير الهوى اقوى يحط ايدة على اذنة ويعصر عينة بقوة... كلت بكلبي معقولة يخاف من العواصف.... ما اهتميت ولزمت تلفوني وكعدت اتابع مسلسل شوية ولكيتة ممدد جسمة ع الجرباية باوعتلة عبالي كاعد بس طلع غافي وهو مينام ع الجرباية اصلا كولة ع القنفة.... نزلت من الجرباية ورحت لبست لبس مريح ورجعت اخذت غطا ومخدة ونمت اني ع القنفة لان ما اريدة من يكعد يكول استغلت الفرصة ونامت بصفي
_____________________________
تمارة: كعدت العصر من النوم ورحت للحمام و ونزلت واني دايخة مثل كل يوم لكيت علي يمنة بالصالة وماما كاعدة يمة عوجت حلكي وردت ارجع اصعد بس هو شافني وصاح
علي: تمارة تعاي اريد احجي وياج
تمارة بضوجة: اي اجيت
نزلت ورحت كعدت ع القنفة يم امي
علي: ها مالي سلام؟
تمارة: شلونك علي
علي: صرت بخير لمن شفتج
تمارة: شكرا... يلا احجي شنو تريد مني
الام: تمارة احجي عدل وياه لا تمسلتين
علي: عمة تكدرين تعوفينة شوية اريد احجي وياهة
الام: اي حبيبي رايحة اسويلك عصير
أنت تقرأ
أَنقِذِينّيِ (باللهجة العراقية)
Lãng mạnماذا يحصل ان قررت فتاة العيش مع شاب في بيت واحد لتستطيع ان تعالجه من المرض النفسي والاكتئاب.......؟
