رواية انقذيني
الجزء الاربعون
سيرين: كاعدة بغرفتي دا اقرة وسمعت صوت صياح ومجادلة كمت نزلت من الجرباية وطلعت من الغرفة اتمشيت للصالة لكيت عمتي لازمة راسهة وزهراء تدلك بي وعمي يعيط ويتعارك وي منتظر باوعت الزهراء وسويت حركة بأيدي بمعنى شكو... رجعت سوتلي حركة بمعنى اصبري 🤌 باوعتلهم وركزت باللي ديحجوا وجان عمي يكول
عمو ماجد: شوف منتظر زواج ماكو من النهاية مال تعوف بنت اخوي علمود وحدة ما اعرف اصلهة من فصلهة مستحيل اتبرى منك والله
منتظر: يابة شبيك اني سيرين ما اعوفهة بس اني مرام واعدهة انو اتزوجهة ومراح اكدر اتخلى عنهة لان احبهة
عمو ماجد: من خطبنالك سيرين ليش ما كلت اني اتزوج عليهة بعدين... ولك شلون اباوع بوجه اخوية اذا عرف انت متزوج على بنتة ورى 3 اشهر زواج
منتظر: بوية اني حجيت وي جدي وكتلة ما اريد سيرين واني احب بنية ثانية بس هو كال بنت عمك تاخذهة لان ما انطيهة للغريب وكالي متحجي كدام احد عن مرام بس اني حجيتلهة السيرين قبل زواجنة وحتى اذا تريد اسألهة.... التفت علية وكال... سيرين اني مو حجيتلج بفترة الخطوبة؟
سيرين: باوعت العمي بعيون مكسورة وهو يباوعلي بحنية.... نزلت عيني للكاع وهزيت راسي بمعنى ... اي...
منتظر: شفت بوية مو كتلك اني حاجيلهة وهي اصلا ما معترضة على فكرة زواجي من البداية
عمو ماجد: صدك بنيتي انتِ وياه متفقين؟
سيرين: عمو اني ما اتفقت علي شي... بس هو حجالي وكال احب بنية ثانية ووعدني يطلكني ورة فترة من زواجنة ويتزوجهة
عمو ماجد وهو يلتفت المنتظر بعصبية: ولك تطلكهة يا عار... تريد تسود وجهي انت
منتظر: وجهك دوم ابيض بوية بس اني ما اعوف مرام لو شما تحجي وشما تعصب وتغلط علية هالبنية اني واعدهة بالزواج واخذهة يعني اخذهة
عمو ماجد: شوف منتظر تريد تاخذهة روح اتزوج معلية بيك بس انت لا ابني بعد ولا اعرفك وبنت اخوية ورقتهة توصلهة لان ما اقبل تتبهذل من ورى سوالفك العوجة
منتظر: سيرين ما اطلكهة هاي مرتي وراح تضل مرتي واتزوج حتلو تكتلني ثاني يوم زواجي هم اخذ مرام
سيرين بحرگة گلب: تريد تذلني انت لو شنو... تريد تخليني على ذمتك حتى تجي هذيج الحية تصير هي الملكة واني الخادمة... شوف منتظر مو عبالك اني ساكتة يعني فقيرة... لا والله ما اسكتلك اذا سويتهة واتزوجت بدون متطلگني واذا ما قبلت تطلگني ارفع عليك دعوة واخيسك بالسجن لا تنسى اني دادرس قانون واعرف اتصرف
منتظر: تهدديني ولج؟
سيرين: اي اهددك وثق اني اكدر اسوي كولشي بيك.... وانسى سيرين الضعيفة..... اني سيرين الي كرامتهة فوك كولشي
أنت تقرأ
أَنقِذِينّيِ (باللهجة العراقية)
Romanceماذا يحصل ان قررت فتاة العيش مع شاب في بيت واحد لتستطيع ان تعالجه من المرض النفسي والاكتئاب.......؟
