رواية انقذيني
الجزء الثاني
فتحت عيني واحس نفسي شبعانة نوم باوعت اني بعدني بنفس المكان الي نمت بي بس مختلف لان من نمت كانوا الكل موجودين وهسة ما بي احد وفارغ والبيت هدوووء باوعت حوالي نفسي ماكو احد برطمت لان اخاف انام وحدي نزلت رجلية من القنفة وگمت ورحت افتريت بالبيت ورحت للكراج سيارة بابا ماهي يعني ما موجودين بالبيت والغرف مسدودة يعني بيت عمو ماجد نايمين وغرفة عمة منى هم مسدودة اتجهت الغرفة جدو وفتحت الباب على كيفي لگيتة نايم ع الجرباية مالتة دخلت للغرفة وسديت الباب همينة بهدوء واتوجهتلة وصعدت ع الجرباية ودحست نفسي يمة هو حس علية وگال بصوت خشن بي نعسة
الجد: ها غزالتي گعدتي صحي النوم
تمارة: حجيت بنعاس وخوف.. اي جدو گعدت وما لگيت احد يمي... اهلي لعد وين؟
الجد: ضمني اله ورفع الغطى علية وگال... شافوچ نمتي ما رادوا يخربون نومتج لذلك عافوج نايمة وراحوا للبيت
تمارة: لعد شوكت يجي بابا ياخذني؟
الجد: شنو ما عاجبج تنامين يمي؟
تمارة: لا جدو اني احب اضل يمك بس اشتاق الماما
الجد: اي حبيبتي هسة كملي نومتج وهمة يجون بالليل يتعشون هنا
تمارة: شعجب يتعشون هنا جدو؟
الجد: لان بيت عمج هنا خطار لازم يجون يتعللون يمهم واني عزمتهم
تمارة: هااا.... لعد بيت عمو وين ما شفتهم بعد؟
الجد: ناموا بالاستقبال
تمارة: سكتت وضميت راسي بصدر جدو ونعست لان احس بي ريحة بابا وكملت نومتي
_____________...____________
تمارة: كعدت على صوت جدو يصحيني
الجد: يلا غزالتي كومي صار المغرب ميصير تضلين نايمة
تمارة: اي جدو گمت ... رفعت راسي وكعدت ع الجرباية وباوعت للشباك صدوك صايرة دنيا الليل هسة اكيد اهلي راح يجون طفرت للحمام وغسلت وجهي واتوضيت واجيت اخذت تربة من يم جدو لان سجادتي ببيت اهلي ولبست خاولي على راسي لان مجايبة حجاب هههه وصليت وجدو جان مخلص صلاة وديقرة قرآن
الجد: اتقبل الله غزالتي... هاي من شوكت اتعلمتي تصلين؟
تمارة: اتقبل الله اعمالك جدو... بابا علمني كال صار عمرج 8 ولازم تبدين تتعلمين الصلاة
الجد: اي عفية حبيبتي زين يسوي
تمارة: ابتسمت وگلت.. جدو لعد شوكت يجون اهلي؟
الجد: هسة خابرني ابوج وكال بالطريق شوية ونوصل
تمارة: بس الطريق قصير يعني المفروض وصلوا هسة
أنت تقرأ
أَنقِذِينّيِ (باللهجة العراقية)
Romanceماذا يحصل ان قررت فتاة العيش مع شاب في بيت واحد لتستطيع ان تعالجه من المرض النفسي والاكتئاب.......؟
