رواية انقذيني
الجزء العاشر
ومر اسبوع ثاني و التهيت بالدوام وما كدرت احجي وي عمو ودائما اراسل علي واتطمن علي بس يجاوب بكلمة او اثنين لا اكثر والخميس قررت ما اداوم لان شهرية وتعبانة حيل وضليت نايمة وكعدت على صوت تلفوني يدك رفعتة وباوعت للشاشة هذا علي ديتصل عدلت كعدتي ورديت
تمارة: الو
اجاني صوت علي وهو يرعد من الصياح
علي: ولج انخطبت تمارة ولج استبرق انخطبت كليلي شسوي اكتل روحي لو اكتل خطيبهة وادخل سجن لج والله راح اتخبل
تمارة: اهدء شوية واحجيلي شوكت صار هالحجي؟
علي: جر حسرة طويلة وكال.... البارحة ابوهة انطاهة الابن عمهة وكايلة تعال اخطبهة واخذهة كأنو هي سلعة و ما الهة رأي و اليوم الصبح خابرتني تبجي وما تريد تنخطب اله بس تخاف تحاجي ابوهة لان يضربهة
تمارة: اوووف خطية لعد هسة شلون؟
علي: انتِ مو كلتي احاجي عمي ليش لسة ما حاجيتي لو حتى انتِ گلبتي ضدي
تمارة: لا علي شبيك شنو كلبت ضدك بس اني ما لكيت فرصة وانت تدري اني مشغولة بالدوام
علي عاط بصوت عالي: انعل ابو الدوام لج حبيبتي راح تروح من ايدي وتكليلي دوام... جر حسرة وكمل.. وانوب كلت الاخوية عبالي راح يساعدني تالي من سمع بأبوهة كالي عوفهة احسن متفيدك... رجع عاط وكال.. ولكم شلون اعوفهة واني صار 3 سنوات ونص احبهة ولكم احسهة النفس اليصعد وينزل
تمارة نزلت دموعي واني استمع الكلامة: علي والله اني اسفة بس ملكيت فرصة احجي وي عمو وهاي اني هسة جاية حتى احجي وياه
علي حجة بصوت خافت ومشحرج من الصياح: انتظرج... تمارة املي بيج
تمارة: انشاء الله خير
كمت واني متوجعة من بطني بس لازم اروح ميصير اتخلى عنة بهيج موقف صعب... رحت غسلت ولبست صاية لان مالي خلك ابدل وكلت الماما رايحة البيت عمي اريد اشوف جدو وطلعت ركض اخذت تكسي وگبل البيتهم وصلت ونزلت دخلت للبيت ولكيت عمتي دتلف دولمة
تمارة: السلام عليكم.. شلونج عمة؟
ميسم: هلا حبيبتي الحمدلله انتِ شلونج؟
تمارة: الحمدلله... وين عمو؟
ميسم: بالغرفة موجود ليش خير خو ما صاير شي؟
تمارة: لا عمة سلامتج بس اريد احجي وياه بموضوع
ميسم: اها... بس شعجب ما مداومة اليوم؟
تمارة: والله شوية تعبانة وبطني توجعني فما داومت
ميسم: سلامتج بنتي... شهرية؟
تمارة: ايي
يلا اني رايحة اشوف عمو
مشيت الغرفة عمو لكيت الباب مفتوحة دخلت وشفتة كاعد ع القنفة و ديگلب بالتلفزيون
أنت تقرأ
أَنقِذِينّيِ (باللهجة العراقية)
Roman d'amourماذا يحصل ان قررت فتاة العيش مع شاب في بيت واحد لتستطيع ان تعالجه من المرض النفسي والاكتئاب.......؟
