رواية انقذيني
الجزء الثاني والاربعون
سيرين: فتحت عيني واحس نفسي تعبانة ومابية حيل اكوم وبلاعيمي توجعني يمكن فلاونزا... سحلت نفسي وكمت للحمام غسلت ورجعت للغرفة باوعت بالمراية وجهي شاحب وشفتي يابسة.... صبيت مي وشربت ورحت الجربايتي مددت وباوعت المكان سرى ما لكيتهة يمكن طلعت يم اهلي.. رفعت عيني للساعة وشفتهة بال8 ونص... رجعت غمضت عيني بتعب ورجعت غفيت ... شوية وطفرت على رنة التلفون سحبتة وشفت منتظر يتصل رفضت الاتصال وحضرتة ورجعت نمت بهدوء واجتي تمارة كعدتني وهي تكول
تمارة: سيرين شنو السالفة شعندج هالكد نايمة اليوم مو عوايدج ولج صار الضهر كومي
سيرين: تمارة تعبانة عوفيني
تمارة وهي تحط ايدهة على راسهة: هاي ليش هيج مصخنة ولج بس لا تمرضتي
سيرين: ما ادري بس احس فلاونزا قوية وتعبانة حيل
تمارة: يا سودة علية.... هسة اروح اسويلج شوربة حتى تاخذين علاج وراهة
سيرين: ما اريد اصلا ما اشتهي اكل
تمارة: غصبا عليج تاكلين مو بكيفج
عفتهة ورحت للمطبخ لكيت عمتي دتصب غدة وكالت
ميسم: ها تمارة شنو ما كعدت سيرين؟
تمارة: لا والله مريضة وتعبانة متكدر تكوم اصلا ومصخنة
ميسم: ياااا منين اجاهة المرض الله لا يوفقك يا منتظر على الي جاي يصير ببنتي
تمارة: ما بيهة شي عمة لا تخافين مجرد فلاونزا عادية هسة اسويلهة شوربة وتاخذ علاج تصير زينة
ميسم: رايحة اشوفهة اني لعد... بعدين اصب
تمارة: اوكي.... سويت العدس وطبخت الشوربة بسرعة وصبيتهة بطاسة وعمتي كامت تصب الغدة... حطيت علاج ومي وي الشوربة واخذتهة متجهة الغرفة سيرين وصاحتني عمتي
ميسم: توتة متتغدين؟
تمارة: لا عمة خلي اوكل سيرين واشربهة العلاج واجي اتغدة لا تتقيدون بية اكلوا انتوا
ميسم: براحتج بنتي
تمارة: دخلت الغرفة سيرين ولكيتهة غافية وترجف غطيتهة بطانية ثانية وكلت.... يلا سيرو كومي خلي اوكلج
سيرين: تمارة كتلج ما اريد مجوعانة
تمارة: دكومي لج كومي
سيرين: كعدت بالگوة لان جسمي يوجعني من الصخونة وبدت توكلني ولمن ما اكل تعيط بية وتخليني ارجع اكل..... كافي توتة شبعت
تمارة: ما بقى بس لكمتين يلا
سيرين: صار عشر لگم وتكولين بس لگمتين
تمارة: اي اكلي لا تخليني ادفرج
وكلتهة كل الشوربة وانطيتهة علاج ومي شربت ورجعت نامت غطيتهة وطلعت لكيتهم متغدين خابرت علي وكلت
أنت تقرأ
أَنقِذِينّيِ (باللهجة العراقية)
Lãng mạnماذا يحصل ان قررت فتاة العيش مع شاب في بيت واحد لتستطيع ان تعالجه من المرض النفسي والاكتئاب.......؟
