رواية انقذيني
الجزء التاسع عشر
فتحت عيني الصبح على صوت المنبه باوعت كدامي وشفت علي حاظني ووجهي بصدرة ورايح بسابع نومة الاخ فتحت عيني بصدمة وطفرت كأنو هستوني اتداركت نفسي نايمة بحظنة وهو من طفرتي فز باوعلي بعيون ناعسة وكال
علي: شبيج تمارة والله جنت مرتاح لو انتِ طبع بيج الا تخربين نومتي يلا ترتاحين
تمارة وهي تسحب الشال وتلبسة: انت مو بالليل لزمت ايدي ونمت ليش حاظني هسة؟
علي بتكذيب: ما ادري بنفسي يجوز واني نايم حظنتج واني اسف.... كام وراح الغرفتة.. رحت للحمام وغسلت وسويت ريوك... اتريكنة وجنة اثنينة منحجي وذابيهة صامت... كملنة اكل وبدلت وطلعنة للكلية وصلني وراح
دخلت دورت على عمار ملكيتة استغربت لان هو مكالي انو راح يغيب مشيت للقاعة وحدي ودخلت ومن خلصت المحاظرة اتصلت على عمار
تمارة: الو ها عمار شلونك
عمار: الحمدلله بخير وانتِ
تمارة: الحمدلله.... ليش ما مدوام؟
عمار: والله اتمرضت والصخونة موتتني لذلك ما كدرت اتصل بيج واكلج اني ما راح اجي اعذريني
تمارة: لا عادي سلامتك وما عندك غير العافية انشاء الله
عمار: الله يسلمج
تمارة: يلا اعوفك ترتاح... باي
عمار: الله وياج
تمارة: سديت الخط ومشيت للكافتريا شربت گهوة لان احس نفسي ما مصحصحة وكملت محاظراتي من وكت.... وكلت خلي اروح اشوف سيرين لان القسم مالتهة قريب علية..... اتمشيت للقسم ولكيتهة كاعدة بالمكان المعتاد الي هو الحديقة ودتقرة اجيت من وراهة وكلت بصوت عالي
تمارة: شلونج يحلوة
سيرين وهي تحط ايدهة على صدرهة حتى تهدأ: شبيج تمارة والله خوفتيني اكو واحد هيج يسلم
تمارة وهي تكعد بصفهة: لا تسوين بيهة انوثة وتخافين تعرفين ذني السوالف ميمشن على تمارة
سيرين: هسة عوفينة من هاي السوالف.. انتِ وعلي شلونكم؟
تمارة بشقة: بخير وعايشين عيشة تخبل مدام مدنشوفج انتِ وهذيج العوبة مريم
سيرين: تمارة مدا اشاقة صدوك شلونة علي؟
تمارة: مدام اني يمة لا تسألين عنة لان اكيد يكون فرحان وسعيد بوجود تمارة الجميلة
سيرين: اي اكيد ههههه
تمارة: عمة ميسم وعمو فلاح وجدو شلونهم؟
سيرين: كلهم زينين بس جدو عاتب عليج ويكول ليش متجي تشوفني ومشتاقلج حيل
تمارة: ايي باجر جمعة واجي اشوف اهلي وامر علي اشوفة... كم مرة اني كتلة اشتري موبايل حتى اخابرك بس اووف من عنادة
أنت تقرأ
أَنقِذِينّيِ (باللهجة العراقية)
Romanceماذا يحصل ان قررت فتاة العيش مع شاب في بيت واحد لتستطيع ان تعالجه من المرض النفسي والاكتئاب.......؟
