The Hided Love In Imperial Harem [ Rebirth ]

အခန်း၁၆

Unicode

အခမ်းအနားစတင်လျှင် ခန်းမသည် တက်ကြွသည့်အငွေ့အသက်တို့ယှက်သန်းလာကာ သေရည်နံ့လှိုင်လှိုင်သင်းလာ၏။ အကသမလေးများသည်
၄င်းတို့၏သေးသိမ်သော ခါးများကို ပျော့ပျောင်းစွာလှုပ်ရှားကာ ယိမ်းနွဲ့ကာ လှုပ်ရှားနေကြသည်။

ကွေ့ကျောက်ဟွား အကအလှကိုရှုစားရင်းဘယ်ဘက်မျက်လုံးသည် ပြင်းထန်းစွာလှုပ်ရှားလာသည်ကို
ခံစားလိုက်ရသဖြင့် သေရည်ခွက်ကို ကိုင်ထားသည့်လက်ကို တန့်သွားသည်။

ကွေ့ကျောက်ဟွား သက်ပြင်းချလိုက်သည်။ တစ်ခုခုဖြစ်တော့မည်မှာသေချာလှသည်။

အကသမများကိုရှုစားနေစဥ် ထိုအကအဖွဲအတွင်းက ကော တစ်ယောက်ကို သတိထားမိလိုက်သည်။ ဖြူဝင်းသည့်အသားအရည်နှင့်ပျော့ပျောင်းစွာလှုပ်ရှားနေသည့်ခါးသိမ်သိမ်များသည် ကွေ့ကျောက်ဟွား ကိုပင် ဆွဲဆောင်လိုက်နိုင်သည်။ မျက်နှာတစ်ဝက်ကို ပဝါပါးအုပ်ထားသော်လည်း ကြည်လင်သည့် မျက်လုံးများနှင့်နှဖူးအလယ်ကနီရဲနေသည့် ကျူးရှားကျစ် ၏လိုက်ဖက်နေပုံကိုကြည့်ရုံဖြင့် အတော်ချောမောသူဖြစ်ကြောင်း တန်းသိနိုင်သည်။

ကွေ့ကျောက်ဟွား ကိုယ်လုပ်တော်ငယ်လေးများ ထိုင်ရာဘက်ကိုကြည့်လိုက်လျှင် အကုန်လုံးသည် ထိုကပြဖျော်ဖြေနေသည့် ကော အား မျက်ထောင့်နီများဖြင့် ကြည့်နေကြသည်။

ကွေ့ကျောက်ဟွား ရယ်စရာကောင်းသည်ဟုတွေး၍
အရှေ့မှတည်ခင်းထားသည်တို့ကို သုံးဆောင်လိုက်သည်။

ထျန်းခုန်းယွင် ကပြဖျော်ဖြေနေမှုအားကြည့်နေရင်း
ထိုတစ်မူထူးခြားသည့်ကောကောင်လေးကိုတွေ့လိုက်သော်လည်း ' လှပသည် ' ဟူ၍ မှတ်ချက်ချလိုက်ရုံမှတစ်ပါး အခြားအတွေးမရှိပေ။ ပုံမှန်အားဖြင့်ဆိုလျှင် တော်ကောက်ပြီး အနောက်ဆောင်ထဲထည့်ပြီး
အသုံးပြုလို့ရမရစစ်ဆေးပြီး အသုံးဝင်ရင် အသုံးချဖို့ စဥ်းစားမည်ဖြစ်သော်လည်း လတ်တလောတွင်
အနောက်ဆောင်ထဲတစ်ယောက်ပြီးတစ်ယောက်ထည့်ဖို့ စိတ်ကူးမရှိသေးသဖြင့် လျစ်လျူရှုလိုက်သည်။

မျက်လုံးကဝေ့ကြည့်မိရင်း ကွေ့ဖင်ကို ကြည့်မိလျှင်
ခေါင်းတညိတ်ညိတ်ဖြင့် အကအလှကိုရှုစားကာ
စားသောက်ပွဲများသုံးဆောင်နေသည်ကိုမြင်လျှင်
ထျန်းခုန်းယွင် မနေနိုင်ပဲတွေးမိသွားသည်။