ချမ်းသာသောမသန်စွမ်းအာဏာရှင်ကိုလက်ထပ်ပြီးနောက် (ဘာသာပြန်)

Episode 5

Unicode

နောက်ဖေးမီးဖိုချောင်တွင် ရွှဲ့ရုန်တစ်ယောက် အထိတ်တလန့်ဖြစ်နေရသည်။ 

“ရှောင်ဝမ်… ဒါကအကြံကောင်းမဟုတ်လောက်ဘူးနော်… သားရဲ့ပထမဆုံးနေ့မှာ ဒီလိုချက်ပြုတ်နေဖို့… အဒေါ်ကဘယ်လိုခွင့်ပြုနိုင်မှာလဲကွယ်”

“ကိစ္စမရှိပါဘူး အဒေါ်ရွှဲ့ကလဲ… အိမ်မှာ ပါပါးအတွက် ဒီဟာကိုချက်ပေးနေကျပါ”

“သား တကယ် အဒေါ့်အကူအညီမလိုဘူးလား” ဝမ်ယွမ်က ကြက်သွန်နီများကို ကျွမ်းကျင်စွာလှီးဖြတ်နေတာကိုမြင်တော့ ရွှဲ့ရုန်အံ့ဩသွားသည်။ ဒီသခင်ငယ်လေးက ကြင်နာတတ်တယ်လို့ အိမ်ထဲမဝင်ခင် အရင်ကတည်းကသူမကြားဖူးခဲ့ပြီး ဝမ်ယွမ်က အခုလို အိမ်မှုကိစ္စ‌ေတွကိုပါ လုပ်နိုင်‌ေနလိမ့်မယ် လုံးဝမထင်ခဲ့မိဘူး။ သူ့ရဲ့ ဓားကိုင်တဲ့စွမ်းရည်က ဒီလောက်ကောင်းနေမယ်လို့လည်း သူမ ဘယ်တုန်းကမှမမျှော်လင့်ခဲ့သလို သူမနဲ့တောင် နှိုင်းယှဉ်လို့ရသည်။

“ကျွန်တော်က ဘော့ချ်လုပ်‌ေနတာ… မြန်ပါတယ်… ရေခဲသေတ္တာထဲက အမဲသားနဲ့ထောပတ်လေး ယူပြိီးကူလို့ရတယ်”

ရွှဲ့ရုန်က ပါဝင်ပစ္စည်းတွေထုတ်ဖို့ ကူညီပြီးနောက် ဝမ်ယွမ်က အသားများကိုသေသေသပ်သပ်လှီးဖြတ်လိုက်ကာ မီးဖိုဖွင့်၍အိုးအပူပေးသည်ကို ကြည့်နေခဲ့သည်။ သူမက စိတ်ပူလွန်နေမှန်းသိလိုက်သဖြင့် ပြုံးလိုက်ကာ မီးဖိုချောင်မှထွက်လာခဲ့သည်။

ဝမ်ယွမ်က အမဲသားကိုလှီးပြီးသောအခါ ရုတ်တရက် အရပ်ရှည်ရှည်ပုံသဏ္ဍာန်တစ်ခုက တံခါးဝတွင်ပေါ်လာသည်။

“မင်း ဘာလုပ်နေတာလဲ?”

အေးစက်သောအသံက ဝမ်ယွမ်၏နှလုံးသားကို တုန်လှုပ်စေခဲ့သည်။ ပန်းကန်ပြားပေါ်ရှိ အမဲသားက ဒယ်အိုးထဲသို့ မတော်တဆပြုတ်ကျသွားကာ ဆီပူပူက သူ့လက်ပေါ်သို့ ပက်ခနဲကျလာကာ ဝမ်ယွမ်သည် နာကျင်စွာဖြင့် 'အ့'ဟုအော်လိုက်မိသည်။ ချီကျင်းရန်က သူ့ကိုကြည့်နေတာသိလိုက်တော့ ချက်ချင်း ရှက်သွားသည်။

ဒီလို ကိုးယို့ကားယားဖြင့် မသေသပ်သော ခြေလက်များကိုမြင်လိုက်သောအခါ ချီကျင်းရန်၏ ချောမောသောမျက်နှာရှိ မျက်ခုံးများကြုတ်လာကာ မျက်လုံးတွင် ရေခဲအလွှာဖုံးအုပ်နေပြီး စိတ်မရှည်သောလေသံဖြင့် ပြောသည် - “ငါ့ကို စိတ်ကျေနပ်‌ေစဖို့… ဒီလို အရေးမပါတဲ့လှည့်ကွက်တွေ သုံးမနေနဲ့… မင်း ဘာပဲလုပ်လုပ်… ငါစားမှာမဟုတ်ဘူး”