Yuvrani Ke Saat Dewane || Completed

Chapter 5

 

Toh miliye Veer Tiwari se. Ameer ladkiyon ko pyaar ke jaal mein phasake lutna hai iska kaam. *Chatur style* Hath ki safai kaise karna chahiye, yeh koi inse sikhe! Aur yeh lutta aise hai ki koi ladki baad mein police complain bhi nahi kar sakti.

Jab Veer Y/n se takraya tha, usne Y/n ko acchi tarah se notice kar liya tha aur uske hath pe shahi anguthi dekhke use samajh aa gaya tha ki Y/n ameer hai.

Veer jis ladki se baat kar raha tha, uske sath vo date pe aaya tha. Uss ladki se baat karne ke beech beech mein vo Y/n pe bhi ek nazar rakh raha tha.

Javin washroom se wapas aake Y/n ke samne baithta hai.

Javin : Tumhara chehra utra hua kyu hai?

Y/n : *fake smile* Nahi toh.

Javin : Agar koi problem hai toh bata do.

Y/n : Ek aadmi mujhe kabse ghure jaa raha hai.

Javin apne aas paas dekhta hai.

Javin : Kaun hai vo?

Y/n : Vaha- aree! Vahi toh tha vo! Kaha chala gaya?

Javin : Koi baat nahi. Accha hua chala gaya. Tum abhi apne ghar jaogi kya? Main chhod du?

Y/n : Nahi. Main khud chali jaungi.

Vo dono vaha se nikal jate hai. Y/n apne bag mein se apna phone nikalne jati hai lekin use uska phone nahi milta.

Y/n : Aree! Mera phone kaha hai?

Javin : Tension mat lo. Main andar jake dekhta hoon. Vahi hoga.

Javin wapas andar jata hai phone dhundne. Javin ke jane ke baad Y/n ko apne kandhe pe kisika hath mehsoos hota hai. Y/n ko lagta hai ki vo Javin hai.

Y/n : Tumhe phone mil gaya-

Lekin piche mudke jise usne dekha use vo bilkul expect nahi kar rahi thi.

Veer : Aapka phone. Andar reh gaya tha.

Y/n hesitantly apna phone leti hai.

Y/n : T-thank you.

Veer : You're welcome. *smirks and leaves*

Javin : Y/n! Tumhara phone nahi mila!

Javin bhaagke Y/n je paas aata hai.

Javin : Oh, tumhe tumhara phone mil gaya?

Y/n : Haan, ek aadmi aake deke gaya mujhe.

Phir vo dono apne apne raaste chale jate hai.

Agle din