كان ينظر إلى يليل بصدمه من وجودها والمخزى أكثر معرفتها للأمر بهذه الطريقه .
يليل بصدمه " اى اللى انتم بتقولوا دا ؟؟ إلياس من عالم معاكس .
_ هز ذاعم رأسه بأجل وهو يعرف أن الأمر صدمه كبيرة ولا احد سيصدق الأمر ولاكن الأمر مختلف مع ذاعم فهو كان ينتظر إلياس من عشر أعوام تقريبا ، فقد قرأ كتاب يتحدث عن أسطورة رجل سيأتى آلى رُصم المعاكسه لمصر وسيمكث بها ويري الغرائب فيها ...
لم يصدق هذه الحماقه.فى البدايه ولكن بعد بضع الوقت ، بدا يتعمق فى الأمر حتى انتهى به الحال مصدقا ومنتظرا هذا الغريب القادم من بلد معاكسه لحياتهم .
إلياس بتشوش " مش عارف اقول او احكيلك غير انى مش فاهم حاجه ، صحيت من النوم لاقيت نفسي فى مكان غريب ، مصر بس مش بتاعتى كل حاجه مختلفه ، اه اللهجه واحده و الشكل واحد
بس مفيش اى ترابط بينهم ، حتى عيلتى اختفت و صحابي ، انا بجد مش فاهم حاجه وتعبت ....
نظرت يليل بحزن وصدمه فى نفس الوقت من يسمع هذا الكلام يستحيل أن يصدق الأمر كيف
" انا مش فاهمه حاجه حاسه انى فى فيلم غريب .
هز إلياس رأسه بتعب وهو يشعر أنه على حافه من الجنون " انا كمان مش فاهم حاجه راجل اى اللى مستني وكتاب اى انا تعبت بجد وعاوز اصحى من الكابوس دا ..
تنفس ذاعم بعمق " هحكيلكم كل حاجه بس اقعدو الاول .
نظر إلياس ويليل إلى بعضهما ثم جلسا على الاريكه الموضوعه فى الغرفه
" الموضوع بدأ من عشر سنين واحد كان جه وقال إنه ألف كتاب عن عالم معاكس لعالمنا ، وإن العالم دا موجود بجد فى كل حاجه زينا نفس كل حاجه الا الأسامى واللبس والقوانين ، يعنى اللى موجود هنا موجود هناك بس عكس بعض حتى الأشخاص ،
محدش صدقه وقال إنها روايه عجيبه وحلوة مش اكتر وفى ناس اتهمته بالجنون وأنه لازماً يتعالج ، وللاسف انا كنت من الناس دى وبعد اكتر من سنه الراجل دا مات بازمه قلبيه ، ولما دورو على السبب طلع بسبب أنه اتعرض لقوى شديده خارجه عن الطبيعه أو المألوف .
نظر له إلياس وهو يخبره باستفسار
" طب انت اى اللى خلاك تصدق الراجل دا ؟! .
ابتسم ذاعم بحزن " لان الراجل دا يبقى اخويا الكبير .
نظرت يليل له بصدمه وكذلك إلياس الذى كان يظن أن الأمر مجرد رجل يعرفه لاكن لم يتوقع أن يكون أخاه .
" اخويا كان مهووس بالعوالم المعاكسه ومحدش فينا كان بيصدقه وبنقول أن كل دا مجرد حكايات وخلاص بس هو بحث ودور لحد ما لاقاا أن فى عالم معاكس وكان عاوز يروحلو وللاسف اتوفى لانه مقدرش يستحمل الطاقه اللى بين كل عالم والتانى ، بعد موته دورت فى حاجته لقيت كتاب بيتكلم عن شخص هيجى لعالمنا وهيعيش فيه كمان ، لما شوفتك اول مرة حسيت انه انت ،
أنت تقرأ
إِتِجَاَهْ مُعَاَكِسْ
Mystery / Thriller" أوجه كَلِمَاَتِىِ إلى كل مَن قَال أن المرأه هى عدوه المراه الاولى فأنت لم ترى سطوة النساء على الرجال ، فَهُنا نرى الانتصار والهزيمه ، المكسب والخسارة ولاكن بمنظور آخر لم نرى مثله ولم نتعرف عليه قط فقصتنا اغرب من الخيال والخيال هنا " بمنظور معاكس"...
