Reincarnated as a Stupid Daughter of the Mafia Boss

Chapter 77

PIRA'S POV

Nakarating ako sa mansyon gamit ang kotse ni Lady Athy na agad namang pinagbuksan ng gate ng mga Elite Guards na nakabantay sa entrance. Nang makitang ako lang 'to at wala si milady ay agad silang nagtaka. Hindi ko na sila binigyan pa ng pansin at tinanguan na lang.

Sigurado na nagtataka sila kung bakit umuwi ako kaagad ganoong halos makipagpatayan na ako sa mga maid na humaharang sa'kin para makaalis lang. Tsk! Malay ko ba na papaalisin ako ni milady, diba? Kahit ako nagulat na nasayang lahat ng efforts ko ehh.

Napailing na lang ako at piniling intindihin ang pag-iisip ni Lady Athy. Baka kasi na-stressed siya o 'di kaya'y nagulat din na may mga young master na pinag-aagawan siya kanina. Well, napakaganda naman kasi talaga ni milady, kahit nga siguro babae ay maliligaw ng landas kung siya ang kaharap!

Kahit nga ako minsan ay natutulala na lang sa kaniya dahil sa ganda nito, lalo na kapag ngumingiti siya. Mukha siyang anghel na gusto mo na lang titigan araw-araw. Hayys! Kaya nagtataka talaga ako kung anong trip ni milady noon at pinili na magpakabaduy.

'Ay naku, Pira, mas maiging itikom mo na lang ang bibig mo. Baka mamaya bigla mo na lang masabi ang mga iniisip mo tungkol kay Lady Athy!'

Malapit na mag-alas kwatro kaya halos mga bantay na lang ang mga nakikita kong pagala-gala sa buong mansyon. Yung mga maid na sinapak ko kanina ay malamang abala sa paggamot sa mga mukha nilang nabangasan ko. Tsk! Hindi na nga kagandahan, lalo pang nasira. Hahahaha!

Mabuti nga at wala si Lady Mitchel dahil kasalukuyan pa rin siyang nagpapagaling dahil may nabali raw na mga buto sa kaniya. Hindi na rin ako nagtanong kung saang parte siya nabalian dahil hindi naman ako interasado.

Inalis ko na lang ang mga naiisip ko nang makasalubong ko si Butler Kajik na pababa ng hagdan. Nakasuot ito ng uniporme na halatang kagagaling lang sa opisina ni Lord Caventry. Bahagya akong yumuko bilang pagbati sa kaniya.

Bilang kanang kamay ni Lord Caventry ay normal lang na mataas ang posisyon niya dito sa mansyon. Isa pa ay bihasa din ang butler na 'to sa pakikipaglaban kahit na hindi masiyadong halata. Medyo lowkey kasi ang trip niya sa buhay parang si Lady Heavenhell lang.

Gwapo din ito kahit na 35 years old na. Matangkad, may kahabaan ang buhok, at higit sa lahat single! Lagi lang kasi siyang nagtatrabaho kaya hindi na ako magtataka na wala pa rin siyang nobya hanggang ngayon.

"Pira, you're back?" Tanong nito sa'kin at bahagya pang ngumiti. Tinanguan ko lang siya bago sumagot.

"Yes, butler." Naka-poker face kong sabi habang nakatingin lang ng diretso.

Pakiramdam ko kasi ngayon ay lumulutang na ang utak ko dahil sa antok at pagod. Ikaw ba naman, makipagsapakan, magmaneho ng pagkalayo-layo papuntang hospital, tapos pagkarating mo doon ay papauwiin ka lang? Hayys! Ang saklap nga naman.

"Why?" Nakataas nitong kilay na sagot na tinaasan ko na lang din ng kilay. Pake niya ba? Sa pagkakaalala ko wala silang pakialam kay Lady Athy ahh!

"Lady Heavenhell said that she doesn't feel comfortable about sleeping with someone else in her room." Sagot ko pa rin kahit na gusto ko na siyang samaan ng tingin. Kung hindi nga lang siya ang head butler ng mga Caventry ay nasapak ko na rin siya.

"Oh, really? That's weird." Komento pa nito habang nakahawak pa sa baba na parang nag-iisip.

Hindi na lang ako nagsalita at hinayaan siyang mag-isip. Makalipas ang ilang segundo ay humarap na ito sa'kin.