عمرك جه عليكى وقت قبل كدة ⏰ وحسيتى بإنك بعيدة و المفروض تقربى من ربنا اكتر من كدة 🕌
بس حسيتى إن موضوع الإلتزام ده صــعــب أوى ومحتاج تضحيات وتنازلات كتيـــــر وإن إنتى دلوقتى مش مستعدة لكدة 😔
معندكيش وقت ⏰ أو شايفة إنك لسة صغيرة 👧🏻 أو إنك وراكى مسئوليات كتير فلما تبقى تفضى 👩👧👦 أو مستنية لما تتجوزى أو لما عيالك يكبروا أو أو أو
وفى الآخر تعيشى فى حالة من الهروب 🙈 نتيجة لإنك كل ما بتفكرى فى آخرتك ضميرك يوجعك وتقلقى 😔
✋ الهروب مش حل ❌ الموضوع مش بالصعوبة دى .. الشيطان بس هو اللى بيحاول يصعبها عليكى علشان تفضلى بعيدة 👎🏻
ديننا دين واقعى مش بيقولك أقعدي طول النهار صلى وصومى وبس علشان تبقى ملتزمة ✋🏻 بالعكس الدين بيحثك على العمل والنشاط والتواصل مع الناس 📩 والمحافظة على صحتك 🏋 والحرص على التعليم 📝 بس متبقاش الحياة عبارة عن شغل وتعليم وطبيخ و شات وبس
التوازن فى الحياة بين الدنيا والدين شئ مش صعب 🚫 ابدا
طب إزاى ⁉️
⭐️ عملك اللى إنتي بتعمليه فى الدنيا وبياخد اغلب وقتك ده سواء شغل أو دراسة أو بيت .. إحتسبي عملك ده وانتى ان شاء الله تاخدى بيه ثواب و إتقنيه واتقى الله فيه ومتعمليش فيه حاجة ممكن تغضب ربنا
🌀 طب وايه كمان ❗️
لازم ⛔️ تراجعي نفسك بتعملي ذنوب إيه .. هاتي ورقة وقلم 📝 وإكتبي كل الحاجات اللى إنتي بتعمليها وعارفة إنها حرام وتوبي حالا 🔜واندمي عليها وكفاية تسويف 🚫
🌿 إعملي لنفسك ورد عبادة يومى 📅 ..أفضل الأعمال أدومها وإن قل .. و حاولي تخلى لك فى كل عبادة سهم ↗️ و حاولي تواااااااظبي عليها تحت أى ظرف كل واحد على قدر إستطاعته عشان متقوليش معنديش وقت مهما كنتى مشغولة محدش له حجة ❌ والحاجات دى تحاسبى نفسك عليها
🔶 صلاة الفروض كلها فى اول وقتها بخشوع قدر المستطاع
🔶 قراءة ورد من القرآن📖 يوميا حتى لو صفحة .. الصفحة بتاخد وقت بسيط وتخليها فى وقت انتي عارفة انك فاضية فيه حتى لو فى المواصلات
مع سورة الملك يوميا
وسورة الكهف يوم الجمعة 🚍
المهم تبدأي ختمة 📖
وكفاية هجر للقرآن🚫
🔶 صلاة ركعتين قيام ليل يوميا حتى لو بعد العشاء على طول وحتى لو بسور قصيرة وطبعا الوتر 🕌
🔶 لو تقدرى حاولى تصومى إتنين وخميس وياريت 13 و 14 و 15
المهم
تجاهدي نفسك ومتقليش عن ٣ ايام كل شهر هجري ..
🔶 سماع أو حضور درس دينى مرة إسبوعيا أو ممكن مثلا تشغلى الدرس فى المطبخ وانتى واقفة تطبخى عشان متقوليش شغل البيت والعيال واخدنى
🔶 طلعى صدقة كل إسبوع حتى لو جنيه واحد 💰كل واحد حسب استطاعته
🔶 إحفظى من القرآن اللى ربنا يقدرك عليه حتى لو كل يوم آية واحدة الحفظ بجد بيغير اوى
🔶 لو قريتى او سمعتى حاجة وأثرت فيكى ابعتيها لاصحابك بنية الامر بالمعروف ( بلغوا عنى ولو آية )
🔶 المواظبة على أذكار الصباح والمساء والذكر بشكل عام مثلا
🔶 إتصلي وزورى ذوي رحمك من وقت للتانى
🔶 حاولي تساعدي الناس على قد ما تقدري سواء بفلوس أو بمعلومة أو بدعوة أو حتى بإبتسامة حلوة (تبسمك في وجه أخيك صدقة)
🔶 حاولي تهذبي أخلاقك مع الناس خصووووصا الام والاب والزوج ولو ام ارجوكى اهدى مع عيالك
🍥 فيه حكاية كدة إن إتنين ماشيين مرو على قبر فالاول سأل التانى تفتكر اللى جوا القبر ده لو ربنا أحياه ساعة وقام ورجع الدنيا حيعمل إيه ⁉️ قاله ده أكيد حيفضل يصلى ويدعى ويقرا قرآن .
✋ قاله خلاص هو فرصته أخدها وخلصت بس يا رب احنا نقدر نستفاد من فرصتنا اللى احنا لسة فيها دى
#كفاية_تسويف_بقى
#خليكى_إيجابيه
