١-متدخليش في علاقه مع ولد حتي لو كانت صداقه لانه حرام يا قمري ولا متخذات أخذان.. 🧡🦋
٢-لو ولد قالك بحبك
قوليله أدخل البيت من بابه صاحب البيت راجل مش أشباه رجال🧡🦋
٣-لو بنت جت قالتك صحبتك قالت عليكي كذا وكذا قوللها كفاااا ي أختاااه وخليها تسكت😂💔 ومتصدقيش حاجه علشان لو هي كويسه مكنتش نقلت الكلام🧡🦋
٤-مينفعش تحكمي علي حد من مجرد موقف حصل ممكن يكون خبرته قليله ومش عارف يتعامل مع الموقف ده🤷🏻♀
٥-مينفعش لما تقع منك حاجه علي الأرض تنزلي تجيبيها وانتي موطيه لازم تنزلي علي ركبك وضهرك يكون مفرود علشان محدش يبص عليكي🧡🦋
٦-وانتي قاعده خلي رجلگ الاتنين قريبين من بعض جدا ومتسبيش فراغ بينهم 🧡🦋
٧-وأنتي طالعه السلم وحد طالع وراكي أقفي وخدي جمب وخليه يطلع هو قدامك وأطلعي وراه دا بالنسبه لو كان راجل 🧡🦋
٨-لو بنت مش كويسه ومش بتتقبل نقضك علي أسلوبها وطريقته بلاش تقولي عليها مش كويسه وأدعيلها بالهدايه كلنا معرضين للموقف دا يا قمر ومحدش معصوم من الغلط🧡🦋
٩-مينفعش تتكلمي عن أخوكي الي مفيش منه قدام صحبتك الوحيده الي معندهاش اخوات🧡🦋
١٠-مينفعش تتكلمي عن ملابسك والاسعار وكدا قدام الناس علشان في بنات بتشتري هدوم بسيطه جدا وبفلوس بسيطه اوي وممكن طقمها يكون حد مديهولها🧡🦋
١١-مينفعش تعيبي علي الأكل
لان الرسول صل الله عليه وسلم ما عاب طعام قط🧡🦋
١٢-مينفعش تصاحبي بنت غيوره وبتغير من كل الناس علشان هتحاول تخليكي وحشه🧡🦋
١٣-مينفعش تضحكي بصوت عالي في الشارع علشان متلفتيش الأنظار ليكي ومحدش يضايقگ🧡🦋
١٤-مينفعش لما يكون في بينك وبين بنت عداوه وتكون بتتكلم في مناقشه تنتقضيها هي.. أنتقدي نقاشها ماشي دا لو كان غلط لكن متنتقديهاش هي🧡🦋
١٥- مينفعش لما تكوني بتكرهي حد وحد قاعد معاكي بيحب الشخص دا تحاولي تكرهي فيه لمجرد انك بتكرهيه🧡🦋
١٦-حطي ديما في دماغك أنك قدوه حسنه للناس علشان الي بتعمله ممكن غيرك يعمله 🧡🦋
١٧-متحكيش عن نفسك قدام أي حد أستني لما يسألك سؤال مباشر وردي عليه علشان متحطيش نفسك موضع شبهات 🧡🦋
١٨-مينفعش تركبي الأسانسير مع راجل أستني لما يطلع هو وبعدين انتي اركبي🧡🦋
١٩-لو شاب حاول يوقفگ في الجامعه او المدرسه او الشارع علشان يكلمك خلي ضهرگ ليه لحد م يقول هو عايز اي ولو سؤال مهم داخل الدراسه او الدين و وهو مضطر يسألك جاوبي بس يكون في بينگ وبينه مسافه🧡🦋
٢٠-لما ولد يكلمك في موضوع مهم يعني حاولي عينك متكونش في عينه🧡🦋
٢١-خلي بينك وبين أحد شخص مسافه في كل حاجه علشان لو حد اقترب من نقاط ضعفگ هتبقي مشكله كبيره🧡🦋
٢٣-مينفعش تقعدي في قاعده فيها تنمر علي الناس ونميمه وغيبه.. 🧡🦋
٢٤-مينفعش تتكلمي عن مامتك قدام صحبتك اليتيمه
مينفعش تقولي علي أبوكي الراجل دا قدام صحابك🧡🦋
٢٥-مينفعش تذكري غيرك بالشر أذكريه بالخير حتي لو فيه الشر🧡🦋
٢٦-لو سمعتي فضيحه حد قولي اللهم أسترنا وخليها تتوقف عندك ومتقوليش لحد
ولما حد يمدحك ياريت تقولي اللهم اغفر لي مالا تعلميه ومتخليش اعمالك تروح بسبب الرياء والغرور🧡🦋
٢٧-مينفعش تصدقي حد كذب عليكي أكتر من مره حتي لو صدق المره دي أديله درس علشان يبطل كذب🧡🦋
٢٨-مينفعش لما تبقي قاعده مع اتنين من اصحابك تمدحي في واحده وتسيبي التانيه🧡🦋
٢٩-مينفعش تتكلمي مع ولد في الخاص لأن دي خلوه وحرام 🧡🦋
٣٠-مينفعش صحبتك تأمنك علي سر فأنتي لما يحصل بينكم شجار تروحي تفشي السر كدا خيانه أمانه.. 🧡🦋
٣١-مينفعش تشتمي صحبتك بأبوها وامها لأنك كدا بتلعني أبوكي وأمك انتي 🧡🦋
٣٣-مينفعش تعيشي دور مش دورگ وشخصيه مش شخصيتك أتعاملي بطبيعتك🧡🦋
٣٤_ مينفعش يدخل في قلبك الغرور والرياء وتشوفي نفسك احسن من بنت سواء دين أو اخلاق أو ثقافه لأن كدا بتدخلي في الرياء والنفاق لو انتي عاوزه تنصحيها يكون في الخفاء مش في العلن وتكون بطريقه حلوه 💙🦋
وبكدا اكون خلصت وطبعا كلنا مش كاملين واكيد بنقع في الغلط احنا بس بنحاول نبقي كويسين واطلبوا الاستعانه دايما من ربنا في تغير اخلاقنا ..
