٠٠
الجنة فعلا جميلة اوي وكلنا نفسنا ربنا يرزقنا دخول أعلى الدرجات فيها (ألا إن سلعة الله غالية ألا ان سلعة الله الجنة فيها ما لا عين رأت ولا أذن سمعت ولا خطر علي قلب بشر) ماتخطرش علي قلب بشر من كتر ما هي حاجه تحفة فاسألي نفسك بقى هل أعمالك دلوقتي هتدخلك الجنة بحلاوتها؟
فكري لو بعد الشر ربنا قبض روحك وانتي مش محجبة هل هيبقي راضي عنك ومصيرك هيبقى ايه؟ وساعتها هيبقي تحديد المصير للأبد وهو الجنة أو النار ربنا يعافينا !!❤💫💫
صحيح ممكن يكون الحجاب تقيل عليكي دلوقتي بس....
الدنيا كلها فانية والرسول قالنا لا تساوي جناح بعوضة ووجودنا فيها للاختبار وبس والآخرة هي اللي هتفضل وهتبقي دار خلود للابد وانتي اللي بتحددي مكانك فيها بأعمالك هنا واللي من ضمنها الحجاب
فخلي في بالك إن الحجاب مادة أساسية في الإسلام لأنه فريضة زي الصلاة وده معناه إن ممكن واحده تسقط في امتحان الآخرة كله وتخسر مصيرها يوم القيامة بسبب تركها للحجاب! وطبعا مافيش أهم من مصيرك ده ورضا ربنا عنك❤💫
ومع كل وقت نفسك بتقولك شكلك أحلى من غير الحجاب وهتخنقي نفسك بالذات في الحر...حطي في ذهنك ساعتها إن كل حاجة تهون مقابل الجنة واني مش مستغنية أبدًا عن درجة فيها
بالعكس قولي لنفسك دايما ايه الزيادة اللي عملتيها في يومك ده تقربًا ليرحمك الله بها ويرضى عنك؟ ايه الذنب اللي تركتيه مخافة عذاب الله ؟؟ ولعل حجابك ده يكون الزيادة الدايمة اللي بتحطيها واللي هتنجيكي يوم القيامة 💫💫❤
ولما نفسك تقولك إنتي لسه صغيرة وبكرة تكبري وتتحجبي قوليلها إن الموت بيجي فجأة وأنتي متعرفيش امته هيخلص امتحانك وهيتنده على اسمك .. ففكري كده مع نفسك الشنطة اللي رايحة بيها لربك حاطه فيها ايه؟!! "وتزودوا فان خير الزاد التقوي" ايه اللي انتي تزودتيه؟ احنا جايين لمهمة في الدنيا نخلص حاجه ونمشي بيتك الاساسي مش هنا .. فمعقول بيتك الاساسي اللي هتستقري فيه مش محوشاله حاجه؟؟!! نومة القبر طويلة وشديدة استعدي لها وجهزيلها.. حوشيلها أعمال تونسك في قبرك وتنجيكي من أهوال يوم القيامة.. ماتستكتريش علي نفسك طاعه وقربى الحجاب قربى احنا اللي محتاجنها في ميزاننا ومش مستغنيين عنها ولعلها هي اللي تدخلني الجنة💫💫💫💫
ولو لسه خايفة ومترددة... بطمنك إن في الحديث القدسي: "ياابن ادم أَنفق أُنفق عليك" فالمفروض أنفق لله من قلبي ومن نفسي واُري الله من نفسي خيراً ومش المفروض أبدا تخافي وأنتي في طاعة.. لكن أخاف وأنا في معصية أو وأنا ببعد عن ربنا
ربنا بيقولنا "أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ وَلَقَدْ فَتَنَّا الَّذِينَ مِن قَبْلِهِمْ ۖ فَلَيَعْلَمَنَّ اللَّهُ الَّذِينَ "صَدَقُوا وَلَيَعْلَمَنَّ الْكَاذِبِينَ" شوفي حقيقية نفسك قدام نفسك هل انا بجد عايزة ربنا؟ اللي ماشي بيبحث عن مراد ربنا معاه معية الله
وصية أخيرررة ...🥰🌚
- استري نفسك في الدنيا بالحجاب عشان ربنا يجعله حجاب ليكي من النار واوعي يبقي أول ستر والناس بتغسلنا والكفن يبقى أول ستر لينا !
- خلي هدفك دايما (وعجلت إليك رب لترضى)💫💫💫
- وأوعي تكوني من الناس اللي عارفة الصح بس مش قادرة تعمله لأنك هتتسألي فماذا عملتي فيم علمتي؟؟!!
- اوعي تتأخري أو تتردي أو تتخلي عن حجابك🥰💫💫💫💫💫💫
