*بوست دا مهم جدا جدا، مهم نقرأه ونبعته لصحابنا عشان لو حد بيعمل حاحة غلط ومش عارف يعرف ويخلي باله💛*
1- اثناء الصلاة عيننا بتكون علي مكان السجود، منفضلش نبص علي التلفزيون ولا علي الحيطة.
عيننا ثابتة علي مكان السجود💛
2- نحاول منغمضش عيننا ف الصلاة لأنه مكروه في حاله انه ملوش داعي
"مش حرام لكن مكروه، وكمان لا يبطل الصلاة"
نغمض بس في حالة اننا مبنحسش بالخشوع إلا واحنا مغمضين أو لو في حاجة حوالينا ممكن تشتتنا زي حد حوالينا او كدا وكمان لصرف الافكار عن دماغنا، لكن الافضل منغمضش لأنه مكروه💛
3- في الركوع لازم نوطي بحيث ضهرنا يبقي مستقيم، منوطيش ربع واقفه كدا لا الضهر مستقيم💛
4- في الركوع لا نضم الاصابع، يعني الايد بتكون علي الركب و الصوابع متفرقة
زي كدا 🖐🏻✅
مش كدا✋🏻❌
والايد بتبقي علي الركب ولا فوق ولا تحت💛
5- بعد الرفع من الركوع لازم نفرد ضهرنا ونقف وبعد كدا نسجد، مينفعش نخطفها كدا لان دي من اسباب بطلان الصلاة💛
نرفع ونقف ثانيتين ونفرد ضهرنا وبعد كدا نسجد
6- في السجود، الجبهة والأنف والكفين والركبتين والقدمين بيكونوا علي الارض، والايدين بتكون الصوابع مضمومه💛
كدا✋🏻✅
مش كدا🖐🏻❌
7- في السجود الكوع بيكون مرفوع عن الارض، يعني كف الايد بس اللي علي الارض اما باقي الايد لحد الكوع بتكون مرفوعة💛
8- في السجود الركبتين ميلمسوش البطن خالص💛
9- نحاول نظبط الحجاب ونلبس شراب او اسدال طويل، ونتأكد ان مفيش اي شعر طالع برة الحجاب، عشان منفضلش نظبطه طول الصلاة.💛
10- للرجال يكره الصلاه والاكتاف مكشوفه "لو حد اخوه او والده بيصلوا باللبس الداخلي زي الفانلة او كدا لا مينفعش لان صلاتو مكروها"💛
11- من السنه نصلي بالحذاء، لو بصينا علي النعل ملقيناش اي شئ نَچس "نشوفه بعيننا" نصلي بيه عادي، لكن لو لقينا او شكينا يبقي نصلي من غيره💛
12- نعرف مواضع رفع الايد في الصلاة، بنرفع ايدنا امتي؟
هما اربع مواضع بس💛
١- في تكبيرة الاحرام ✅
"لما بنقول الله اكبر عشان نبدأ الصلاة دي اسمها تكبيرة الإحرام"
لازم نرفع ايدنا في مستوي الأذن او الكتف عادي الاتنين صح✅💛
٢- عند الركوع✅
٣- بعد الرفع من الركوع✅
٤- بعد الركعة التالتة✅
يعني بعد التشهد الاوسط بنقوم ونرفع ايدنا.
ومينفعش نرفع ايدنا في غير المواضع دي💛
ناخد بالنا ان عند السجود مبنرفعش ايدنا لأن ناس كتير بتعمل كدا💛
13- في الركوع او السجود بنقول الذكر يا مرة وده الوجوب او ثلاث وده ادنى الاكتمال او عشر مرات وده اعلاه "💛
14- في الركوع الايد بتكون علي الركب، ومكان النظر علي الايد مش السجود💛
15- نطول علي قد ما نقدر في الركوع والسجود، لأن اول ما بنصلي الذنوب بتتحط زي الجبل كدا علي الكتفين وطول ما احنا راكعين او ساجدين ذنوبنا بتقع💛
16- اول ما نبدأ نصلي نقول دعاء الاستفتاح ده دعاء من ادعيه الاستفتاح مش شرط ده بس لانهم كتير انا كتبت واحد بس منهم
" اللهم باعد بيني وبين خطاياي كما باعدت بين المشرق والمغرب، اللهم اغسلني من خطاياي بالماء والبرد والثلج، اللهم نقني من خطاياي كما ينقي الثوب الابيض من الدنس"💛
17- لما نرفع من الركوع لا نرفع عيننا في السما "دي من اسباب فقد البصر والرسول حذرنا منها"
بنرفع من الركوع وعيننا علي مكان السجود💛
18- بنرفع من الركوع ونقول "سمع الله لمن حمده ربنا ولك الحمد"💛
19- بين السجدتين بندعي لنفسنا زي " رب اغفرلي وارحمني واعفو عني"✅💛
لكن مبنقولش سمع الله لمن حمده ❌
20- اثناء التشهد بنرفع الصابع "السبابة" لما بنقول اشهد ان لا اله الا الله و ان محمداً عبده ورسوله بس✅💛
في رفع الصابع في التشهد هناك كثير من الروايات ومنها ضعيف
والراحج رفع السبابه من اول التشهد لاخره والله أعلم✅
21- اثناء التشهد بنرفع الصابع بس لكن منفضلش نحركه وننزله ونرفعه تاني❌نحركه بس حركه خفيفه مش بسرعه
الايد بتكون علي الفخذين وبنرفع الصابع اثناء التشهد ونثبته لحد ما نخلص الشهادة وننزله ونكمل التشهد✅💛
"وهبعت فيديو او صورة بتوضح قصدي"
22- بعد التشهد خالص وقبل السلام بنقول
" اللهم اني اعوذ يك من عذاب القبر وعذاب جهنم، اللهم قني فتنة المحيا والممات وفتنة المسيح الدجال"✅
ودا دعاء وصانا بيه الرسول صلي الله عليه وسلم💛
23- الايد بتكون الكف اليمين علي الشمال ومكان الايد تحت الصدر وفوق السرة
يعني فوق الصدر❌
تحت السرة❌
الايد بتكون علي البطن وتحت الصدر وفوق السرة✅💛
ودا موضع خااف بين العلماء والجمهور علي ما قولته💛
وأخيراً:💛
- نلبس شراب اثناء الصلاة عشان الرجل متبانش✅
- نصلي ب اسدال طويل مغطي الرجل لو مش هنلبس شراب✅
- نصلي بلبس واسع فضفاض، بلاش نصلي ب بنطلون لا ضيق ولا قصيرة✅
نحاول نخرج من اي خلاف بالله، دي الصلاة🙂💛
فيها ايه لو غطينا رجلينا؟ او لبسنا اسدال بدل البنطلون؟ بلاش ندخل في خلاف او نحط نفسنا في موقف ان الصلاة تكون غير صحيحة💛
البوست النهارده طويل بس مهم جداً جداً ابعتوه لصحابكم عشان لو حد مش عارف او بيعمل حاجة غلط يخلي باله💛
وف الاخر ممكن تدعولي بظهر الغيب ولكم بالمثل بإذن الله🥺💗💗💗
