ماشطة بنت فرعون مرة كانت بتسرح لـ بنت فرعون فـ المشط وقع من ايديها
فقالت : بسم الله.
بنت فرعون استغربت : بسم الله أبي.
ماشطة بنت فرعون : لا بسم الله ربي ورب اباكي
بنت فرعون : أنا هعرف أبي بكدا
وفعلًا البنت عرفت أبوها إن ماشطة بتعبد آله موسى، وماشطة كان عندها ولاد وبتربي فيهم ومنهم طفل لسه بيرضع، فـ فرعون جاب ماشطة وجاب عيالها وأمر جنوده إنهم يغلوا الزيت
وقال لـ ماشطة : هترجعي تعبديني ولا أرمي عيالك في الزيت ؟!
ماشطة بتحضن عيالنا وخايفة عليهم وعيالها بيصرخوا جامد وخايفين من الزيت المغلي، فرعون أمر جنوده إنهم ياخدوا أول طفل والولد بينادي على أمه عشان تنقذه وماشطة عماله تصرخ على ابنها وفرعون بيبص ليها
فرعون : قولي إني ربك
ماشطة : ربي وربك الله
فرعون رمى ابنها في الزيت وعمل كدا مع باقي ولادها وهي كانت بترضع ابنها وبتمسك فيه جامد وهما يشدوا فيه وهي مش عاوزة تسيبوا بس هما خلاص خدوا وقبل ما يرموه في الزيت كانت هتضعف بس ربنا خلى ابنها يتكلم
وقال لها : اثبتي يا أمي فإنكِ على الحق.
وفعلًا ماشطة مرجعتش عن كلامها وابنها إترمى في الزيت وهي كمان اترمت في الزيت بس قبل ما يرموها في الزيت طلبت من فرعون إنو يجمع عضمها وعضم عيالها ويدفنهم مع بعض وهو وافق..
النبي صلَّ الله عليه وسلم لما كان في رحلة الإسراء والمعراج شم ريحة جميلة في مصر فسأل سيدنا جبريل رضي الله عنه
سيدنا جبريل قاله : دي ريحة ماشطة بنت فرعون واطفالها.
وبكدا خلصت القصة، فرعون مات وماشطة ماتت بس ذكراها الطيبة لسه موجودة، مهما أهل الباطل ضغطوا عليك إوعى ترجع في كلامك طول ما أنت على حق.💚
ـــــــــــــــــــــــــــــــــــــــــــــــــــــــــــــــ
صلي علي الرسول وتبسم ☺️
