انثى بعثرها الزمن

بارت 5

انسحبت م̷ـــِْن ايدي..التفتت لكيت ابوي لازمني

:يالله دام عمج ورجلج اهنا جهزي اغراضيج وروحي وياهم ..

:بس، ،بس اني تُعباُنٌهْـ واريد ارتاح عدكم كم يوم

صاح طارق، ،وهوه واكف ومكتف اديه

:تجين غير وكت،،بعدين شنو قصدج مامرتاحه ابيتنه??

:اني جاي احجي ويا ابوي ممكن تكرمنه بسكوتك

بهاللحضه حسيت ابوي مزق ايدي م̷ـــِْن كد ماعصرها، ،لساته لازمني م̷ـــِْن اذراعي وعيونه تطفر شرار ..

عمي حاول ايهدي الوضع ويلطف الجو ..

:ميخالف يبه تعاي ويانه واني اوصيهم عليج لاتخافين،،وانت طارق اسكت الحجي مو وياك

:شنو مو وياي يابه هاي مرتي، ،والي ابطنها ابني. يعني شنوو قصدها بهالحركه انه مامهتم بيها وابنها مايخصني

:ماكلنه هيج، ،انت هم لاتكبرها ??يالله ابنيتي استهدي برحمانج وجيبي ملابسج وتعاي ويانه انه احجي وياهم

:عمي كلهم ايعوفوني ابحالي،،والله مالي خلك مشاكل كل السميره تتركني ومالها شغل بيه

:ان شاء •اللّـہ̣̥ يابه يجرالج ..امشي وياي وماعليج

سحبت ايدي كوه م̷ـــِْن بين اصابع ابويه، ،الي يمكن لولا وجود عمي جان سحلني ..

ركضت للغرفه واني اناشغ، ،واعيوني تذرف دم بدل الدموع، ،اشهالعيشه، ،وليش ابوي ذالني الهالدرجه اني شمسويه ي رَبّـي ،،.احس الي ايصير وياي عقاب ع فعل اني نفسي ماعرف شنوو هوه ..

لميت ملابسي، ،وخليت عباتي ع راسي وامي اتوصي، ،اعصابج ولاتراددين ودوري بالج ع رجلج وعمج، ،وصيري ادميه ولاتعاركين نسوان احموينج??"

الي يقهر اني تربيتهم ويعرفوني شنو،،لَيــِْ♡̷̴̬̩̃̊ـِْش. امحسسيني اني مامتربايه، ،،استغفر •اللّـہ̣̥ امشي احسن

خواتي عيونهن علي، ،وادموعهن اتسيل بتوسل،،بس اني وهنه نعرف مالنه حجايه، ،واخواني واكفين ايباوعون بعيونهم، ،ويحفضون كل تصرفات وحركه م̷ـــِْن ابويه حتى اينفذوها بحذافيرها بالمستقبل ..

رجعت ذليله كالعاده، ،تحت رحمه السلطان طارق..

بس عمي الوحيد الي يسمعني، ،ويعرف اني اشكد مضلومه، ،كعدت مقابيله واشكيله حالي

:عموو عفيه كل الطارق كافي نوم، ،راح ايصير ابو لآزٍمٍ يتحمل مسؤوليه، ،الى مِِـتــى ايضل مصرفنه عليك

:لٱ تحاتين ابنيتي،،انه شفت جم واحد م̷ـــِْن اصدقائي بلكي ايدبروله شغله منا منا

:اي والله لان مليت م̷ـــِْن هالوضع ،،اتعبت عموو تصرفاته ماتنطاق