انثى بعثرها الزمن

بارت 11 (جديد)

شمر الجدريه ع رجلي،،طاح الاكل علي واتفرفحت روحي،،صرت ماعرف عن شنو اتألم، ،وشنو الاكثر شي وجعني، ،

نعمه •اللّـہ̣̥ الي ع الارض والي تعبت واني اجمعها لكمه لكمه احطها بحلك اولادي??لو الم الحرك،،. لــــو كره لايوصف الهالشخص المجبروه اعيش وياا، ،ولايوم حلو شفت منه، ،ليش لآزٍمٍ اتحمله، ،ع المره والمره

ضليت صافنه وماصحت ولا طلعت اي صوت جنت مكتفيه بالمنضر ، ،اباوع عليه وهوه متخبل، ،يكسر بالمطبخ واينزل سيتات الماعين والصحون التعبت عليهن ولميتهن بكل لهفه واكول بيتي واغراضي ويستاهلن ادفع دم كلبي عليهن ..

يشتم ويسب ويلعن، ،ع شنو ماعرف، ،بس لحتى ايخوفني ويعيشني رعب ..

اجو الجهال ع صوته يتخبطون، ،نيام خطيه فزوو ع سوادين ابوهم ..

لاذو بحضني، ،اامن مكان بالنسبه الهم ..

نزلت ع الارض افرك برجلي الحمره م̷ـــِْن اثر الحرك، ،اهفي عليها واحاول اواسي نفسي بدموعي التنزل بسكوت ..

مصطفى راح يركض جاب قطعه اقماش ويمسح ع رجلي وينوح ،،وصادق لام نفسه بحضني ويناشغ بقهر وخوف ..

اجت بيبي تتمشى ع عكازتها،،اتقربت وشافت المطبخ، ،رفعت عينها ع طارق وهيه اتفر بأيدهاا ..

:يمتههه تعقل ماتكلي??مو صرت ابوو بسككك اخبااال ،،ه̷̷َـَْـُذآ الفالح بي انت

صرخ بصوت عالي، ،احس ذاناتي رفضنه ..

:عوووفووونييي،،شترردين انتييي بعددد ماناقصج انههه امشييي منييي

اتقربت اكثر عليه وخلت وجهه ابوجهه..

:اتفووو علييك وع الخلفك ياعديممم التربيه ..

اجت مدت ايدها علي، ،سحبتني م̷ـــِْن الارض واخذتني الغرفتها ..

نمت بحضنها واني انحب، ،اتطبطب علي وتستغفر، ،احسها اقرب انسان الي،،والشخص الوحيد اليفهمني م̷ـــِْن اشكيله، ،ويعرف كلشي عني..

صارت بيبي ملاذي الوحيد بهالبيت،،الشخص الوحيد اليستحق اكون يمه واخدمه بعيوني ..

اجه عمي وشاف هوسه ابنه، ،وعمايله ..

دخل علينه، ،وكفت ع حيلي وعيوني تشكيله حالتي،،والجهال يركضون ع حضنه ،،ينتضرون حنيته عليهم ..

:شكوو يااستاار، ،شنوو يعني يوميه تبقوون هالشكل لآزٍمٍ طلابه جديده واسوالف تُعباُنٌهْـ

لارا :اسأل ابنك عموو،،هوه الي ايدور المشاكل ادواره

ابو طارق :وشبيي ابني ويااج بعدد

لارا :ابنك ايريد سيااره، ،ماصار فتره م̷ـــِْن ذبيت الاكو والماكو ع البيت، ،طالعلي بسالفه جديده . لــــو سياره . لــــو افلش البيت