انثى بعثرها الزمن

بارت35

ركضت للديوان وسديت الباب بهدوء، ،نـًسّْيـت الحنفيه مفتوحه والماي يجري بالمغسله ..

اسمع خطواته تتقرب، مد ايده وسد الحنفيه وهوه يضحك بصوت عالي، ،طلعت هيفاء شافته وحجت.

:هلاا هلاا والله بأخوي وتاج راسي، ،هَــْـِْـْْـِلاّ بعضيدي وابن امي وابوي

اتقدم وبوسها وبيده علاليك حطهن بيدها وحجه.

:كلت اجي اتريك يمكم، ،وهم جهزيلنه غده م̷ـــِْن ايدج الحلوه الًيَوُمًِ عطله وحاير وين اروح

:كل الهلا بيك خويه البيت بيتك ابو حسن الغالي

رجع ضحك وكأنو اتذكر شي !??حجت هيفاء بفهاوه

:هاا خير ان شاء •اللّـہ̣̥ خويه ضحكني وياك

:هههههه لٱ ماكو بس اعتقد العدكم راح ينحبسون بالديوان الًيَوُمًِ

:يااا وانت اشمدريك منو عدنه بالديوان ??

:ههههه كوليلهم مانعض اليفين

هيه ضحكت وضربته ع جتفه خفيف ..

:والله عليك اسوالف اسر، ،امشي ادخل الرجال جوه بالصاله يتريك ..

دخل وهيه اجت صوبي، ،فتحت الها الباب مبتسمه بهبل ..

:صباح الخير ام مصطفى اشلونج الًيَوُمًِ

:صباح النور، ،ااااا اعتذر م̷ـــِْنج اخذت الديوان واضطريتي اتدخلين خطارج للبيت

:ههههه اشهالحجي لارا، ،،ه̷̷َـَْـُذآ ابو البيت مو خطار، ،ه̷̷َـَْـُذآ اخوي الجبير

:هاا •اللّـہ̣̥ يحفظكم البعض، ،فدوه اشكد حنين

:اي حنين وطيب وحباب، ،هاا ويكول اليف ماعض هههه لج شمسويه للرجال حتى هيج يحجي! ??

:والله جنت ع المغسله مامتوقعه احد يدخل ومن دخل فجأة اتوترت وانهزمت ههه

:يالله اني اروح احضرلج الريوك واجيبه

:اخذي راحتج حبيبتي اعتبريني ماموجوده ولاتحتارين بيه

:لٱ. افاا عليج شهالحجي تره ازعل منج

راحت اشوي ورجعت بيدها صينيه الريوك، ،حاولت اكوم زيون م̷ـــِْن افراشه بالكوه كام مثل عادته ، ،شلت الغطه منه وكتله..

:اطلع غسل وجهك وتعال نتريك

طلع واني بقيت كاعده، ،ماشتهي اكل بس انتضر زيون اوكله ..

طول اهواي وما اجه، ،قلقت عليه ومديت راسي م̷ـــِْن الباب صيحت ..

:زيوون، ،يمههه وينك

ماكو ماموجود لٱ يم المغسله ولا بالحديقه ولا الطارمه، ،،التفتت للباب مفتوح شحب وجهي، ،اتوقعت احد اجه وخذاه، ،انخطف لوني وريجي نشف م̷ـــِْن الخوف، ،ماحسيت ع نفسي الا ادخل للبيت اصيح ع هيفاء ..