انثى بعثرها الزمن

بارت 17

عرض علي القضيه،،وبلش يسالني واني اجاوب ابخوف وتوتر،،اول مَـرّھٌ بحياتي اوكف بهيج مكان ...

المحامي اتكلم ويا القاضي وحاول ايوصله الفكره، ،وانو الموضوع عائلي ومايستحق ...

مع الاسف ماكدر ايغير اي شي،،لان الواقع يبقى طارق المشتكي واني المتهم ..

اولادي وجدهم شهود علي، ،اني السارقه حقهم، ،ومستغله طارق ابشع استغلال،،وبعد ماتمكنت م̷ـــِْن خداعه وسرقت امواله هربت ويا اسر الي برأيهم صاحبي وحبيبي ..

صدمه منعتني حتى م̷ـــِْن الدفاع عن نفسي،،،هم وألم ووجع ماينطاق ..

غمضت اعيوني مستسلمه الكميه الدموع السالت ع خدي تحرك روحي وامومتي وتضحياتي وسنين عمري المرت م̷ـــِْن اجلهم ..

فتحت اعيوني ع صوت صراخ امي بالباب وهيه تلطم وتنتحب ...

:حسبييي •اللّـہ̣̥ عليييك يالضااالم، ،•اللّـہ̣̥ ياااخذككك اطووويرقق •اللّـہ̣̥ لايرضى عليييك ..

ماعرف اشلون واكفه ع حيلي بعد كل ه̷̷َـَْـُذآ،،ماعرف اشلون متقبله الكلبجات بأيدي،،والشرطه يمشون بصفي ومحاوطيني ..

اني وعباتي وشرفي،،وكرامتي وشخصيتي القويه ...

اهتز كلشي بداخلي ،،وكلبي علن رغبته بالانفجار ..

كل ه̷̷َـَْـُذآ وعيوني اتابع الي ايصير بخوف ورهبه، ،،ليش بعدي واكفه، ،ليش لساتني امشي وماوكعت ...

اول ما اجت عيني ع هيثم، ،بودي اختفي وماشوفه بهالمنضر بين الناس  ..

يلطم مثل النسوان، ،امزق قميصه وكاعد ع الارض منهار، ،يبجي بدموووع وقهر، ،يدك ع صدره وايصيح ..

:شرفييي وشرفككك ياااعااار، ،كو.......هاااي ام اولادك

هالجمله صحتني ع واقعي،،نضراتي تحجي قهري والناس ماليه المكان، ،ايتابعون الشرطه وهمه يسحبوني للسياره ..

كدرت انطق كلمتي الاخيره بترجي ..

:هيثم اختككك انيي،،هيثممم لاتعوفنيي

مد الضابط ايده علي يسحبني  ، ، وصاااح هيثم بصووت زلزل كلوب الكل ...

:عووووفهاااا، ،لكككك لاتمددد ايدددك عليهاااا لااااا،،عوووفهاااا لككك هاااي عرضيييي

دمعت اعيون الكل،،حتى الشرطه اتنحت عني،،الضابط رفع ايده ومسح ادموعه، ،نزل ع هيثم ايهدي ويهمس بألم ...

:كلنه عدنه اخوات ونسوان ،،لاتخااف عرضك ابامان وعد محد ايمسه، ،عرضك عرضنه، ،هاي شرفنه وليدي

:ابوس رجلك اخذني وخلها،،خلها اتروح واخذني مكانها

:مايصير مع الاسف لآزٍمٍ اتروح ويانه