انثى بعثرها الزمن

بارت 39 والاخير

بعد ماصعد هيثم بشوي هدت الوضعيه، ،كعدت الطم وابجي وامي حاضنتني،،اعرف صادق مامتقبل الموضوع بس شسوي وشنو البيدي..

كل الي اريده احافظ عليهم واخلص م‌ـــِْن ابوهم الي دمرلي حياتي ..

نزل هيثم واخذ اهلي وراحو،،عم الهدوء بالمكان، ،واني سكتت وشغلت نفسي بزيون،،اما صادق فما شفته ابد لانزل ولا اكل ..
بالي يمه بس كابرت وكلت اتركه ع راحته احسن

يومين و3 واني ماشوفه، ،يطلع م‌ـــِْن الصبح يتسوك، ،اكعد الكه العلاليك بالمطبخ وهوه ماكو،،ويرجع تالي الليل م‌ـــِْن انام، ،حتى المفاتيح بقاها عنده ..

اول مره ايصد عني بهالشكل،،اول مَـرّھٌ يبتعد عني، ،وجعني اهواي جفائه، ،بس كلت ميخالف اتحمل ع ما يستسلم للامر الواقع ..

ورجع اسر م‌ـــِْن السفر، ،واني ابد بعدها ماتواصلت ويا هيفاء ولا اسالتها عن شي، ،ماحسيت الا الباب اندك بعد اسبوع  ..

طلعت اشوف، ،فتحت الباب وهيفاء هلهلت ابوجهي?!!..سحبتها دخلتها للبيت وسديت الباب اتلفت

:هااي شنوو اتخبلتي اشبيج

:ياا غير فرحانه الاخوي اشبيج انتي غير عروس

:هيفاء تره مالي خلك اشعندج كولي م‌ـــِْن الاخير

مدت ايدها وقدمتلي علاكه جبيره بيضه، ،واتهزلي بلعلبه بأيدها الثانيه ..

:ياا هااي شنو

:عيني عروستنه اشبيج، ،مهرج ه‌َـَْـُذآ

ضحكت ومشيت للديوان وهيه دخلت وراي، ،فتحت العلاكه طلعت فستان ابيض طويل مليان شذر امذهب، ،وويا شال تور ابيض مطرز ..

:شنوو شنوو، ،ان شاء •اللّـہ‌ ترديني البسه

هزت راسها اي وحجت ..

:اتلبسينه ورجلج فوك راسج خوووش، ،غير عروسه انتي هسه م‌ـــِْن ايشوفج اخوي بهذا شكلج والله ايهج ههههه

:والله محد دز عليه اخوج هوه الاجه واذا مو عاجبكم الباب ايفوت جمل

:ههههههه لاا شو عاجبنه وكومي كدريه يالله خ اشوف مناسب . لــــو لٱ

كومتني كوه لبستني واتأشر عليه..

:وااااي اشكد تحتاج تخصير ??!!عزاااا ولجج انتي اشلون عايشه ع الماي ماظن تاكلين

:هههههههه اي ع الماي ماعندي اكل وبطلي اسوالفج

نزعت الفستان وكعدت تشتغل بي يمي ع مكينتي ..

كعدت اتسولف وياي وعن وقت الحفله والتجهيزات ..

:شوفي هيفاء م‌ـــِْن هسه اكولج لاحفله ولا بطيخ هوه عقد بعد شنو حفله ومعازيم

:ياا ولج اول مَـرّھٌ اشوف وحده ماتريد حفله النسوان ايكيفن ع هالسوالف

:هوه شنو واكيف اول عرس الي . لــــو جاهله كدامج كعدي وسكتي