🌹❤عيناها سبب عشقي 🌹❤

05

🌸الحلقة الخامسة🌸:

عند اكرام:
بعد ما ركبت فالبيس وراحت للبيت تاع سكينة مكانش علابالها بللي ولدها يجي اليوم بيسك قاتلها سكينة مايجيش هاذي السمانة جبدت المفتاح ودخلت حطت حوايجها ونحات حيجابها بقات ببيجامة وطلقت شعرها وهي بلا ماكياج تهبل مالقاتش واش تدير قالت نخمل الحالة وندير ميناج بدات تسيق وتغني وعندها صوت يهبل حكمت شعرها الفوق باش مايديرونجيهاش شوية هكا ولحق وليد راجل سكينة اللي عايش معاها وباباه مات وهو صح زين بصح خبيث وغير تاع صوالحو
اكرام ماسمعتش الباب بيسك فتحو بالمفتاح وهي كانت تغني ماسمعتش دخل الداخل وهو يسمع في صوت يهبل جامي شاف طفلة في بيتهم دخل ويا ريتو ما دخل لقاها تسيق بومبة فالزين هي حست بلي كاين حاجة غريبة هي دارت بالزربة شاف عينيها اللي يقتلو و شعرها اللي طاح على وجها والسي خونا باقي حال عينيه و فمو فالزين ولاطاي يعني متكاملة من كل الجهات
سليم(وليد راجل سكينة) : صصباح الخير (مسكسن الهدرة تلفتلو 😂)
اكرام انخلعت مالقات واش تدير راحت تجري لبست حيجابها ورمات خيمارها والسيد خلاص العرق راه هابط معاه والشيطان بدا يلعبلو في مخو
سليم: واش بيه الزين نورمال تقدري تنحي حيجابك قدامي
اكرام: شكون نتا باه تهدر هكا
سليم: نتي راكي في وسط داري
اكرام: انا ماجيتش ليك جيت لخالتي سكينة وراني نشوف بلي نخرج من هنا خير

جات رايحة حكمها من يدها وقالها معاذ: تروحي بلا ما تخلصي حبي
اكرام انخلعت في وقاحتو وخافت ماللي جاي
اكرام: اطلق يدي يا حيوان ماتحشمش
سليم: انا تقوليلي حيوان يا....*
ضرك نوريلك شكون حيوان وطلعها للشومبرة وهي تفرفط
اكرام: اطلقني بلييز هئ هئ هئ
سليم: نتي جبتيها لروحك
اكرام: اطلقني علاه تتطاول على طفلة هئ هئ هئ
رماها فوق السرير وجا راح ينحي قشو ناضت تجري وهو يجري موراها لقات مزهرية ضرباتو بيها كانت ضربة قوية كافية باه تخليه يدوخ شوية
ناضت تجري وهبطت رفدت حوايجها وخرجت مانتبهتش للطريق حتى ضربتها طونوبيل 🥺😱