🌸الحلقة الثالثة عشر🌸:
معاذ يحكي:
رحت سقسيت الطبيب على حالة اكرام قال انو تقدر تخرج بصح مازالها تحتاج راحة كبيرة ومبعد رحت نقلها الحمد الله على السلامة ونبقيها على خير (السي خونا معلابالوش بلي راهي رايحة لدارهم 😂😂) فتحت الباب وشفتها قلبي طاح ماقدرتش نتحرك شعرها اه ربي طويل حرير غير شافتني حشمت ودارت وانا فقت معا روحي خرجت ورحت لخدمتي مش حاب نفكر فيها بيسك لبنات كامل كيف كيف
بعد ساعتين فاقت اكرام نزلت بالعقل تحوس على لالة حميدة لقاتها فالصالون قعدت معاها ودارت خمار على جال معاذ ومادام بيحامتها مستورة راهي مريحة ومبعد استأذنت منها وراحت للكوزينة
نجاة: بنتي علاه معيطتيليش
اكرام: لا خالتي حبيت نعاونك
نحاة:ههه لالا بنتي لازمك راحة
اكرام: بلليييز اخالتي نجاة نعاونك غير شوية حابة انا ندير العشا كشكر لأمي حميدة
نجاة: مايكون غير خاطرك بنتي اذا حتجتي حاجة ماعليك غير تقوليلي
ورات نجاة لاكرام كل حاجة فالكوزينة باه تسهل عليها دارت طابلية تاع شغل وبدات بيسك تعرف تطيب علمتها سكينة كلشي
دارت كسكس وطاجين الزيتون وسلاطة وشربة وزادت ديسار بالفراز. كملت ولالة حميدة دايرة في بالها راهي راقدة عيطت اكرام لنجاة باه توجد الطابلة
لالة حميدة: الو معاذ ايا تتعاشا معايا ولدي توحشتك
معاذ: يخليك يا الغالية بصح منقدرش نجي والله الخدمة راهي بزاف
لالة حميدة: معليه ولدي ربي يعاونك اتهلالي في روحك
معاذ: مايكون غير خاطرك احبيبة
نادات نجاة السي الحسين ولالة حميدة للعشا
لالة حميدة: يا بنتي واش كنتي تديري مش قلتلك ارتاحي
اكرام:لا خالتي مش تعبانة حبيت نعاون
نجاة:لالة حميدة الخير اللي قدامك كلو من تحت يد اكرام
لالة حميدة كل مرة تتيقن بلي اكرام مناسبة لمعاذ
بداو يتعشاو و كلهم يشكرو ويمدحو في اكرام اللي حشمت ماقدرت تاكل الا شويا.
كملو العشا ولالة حميدة مخلاتش اكرام تغسل الماعن وقالتلها تريح
أنت تقرأ
🌹❤عيناها سبب عشقي 🌹❤
Fanfictionكرونيك أن شاء الله تعجبكم تجمع بين القسوة 😰 الصبر 😪المعاناة 😓الحب ❤️ العشق 😍استعدوا واربطو الاحزمة. *في قصتي بعنوان *: 🌹❤عيناها سبب عشقي 🌹❤ آااه وآااه من تلك العينين وما الذ تلك الشفتين لو كان لي قلبين لأهديتك إياهما الإثنين 🌸...
