🌸الحلقة السابعة🌸:
في السبيطار:
معاذ ماتحركش من قدام غرفة العمليات رايح جاي خايف عليها ومعلابالوش علاه خايف كامل هكا جاو لابوليس سمعو اقوالو وراحو بيسك مايقدروش يحكو مع اكرام اللي راهي تجاهد بين الحياة والموت من جهة حابة تموت وتريح ومن جهة حاسة انو لازم تعيش كانت حالتها خطيرة بيسك الضربة جات في راسها ويمكن تدخل في غيبوبة بعد انتظار دام اكثر من 5 ساعات خرج الدكتور وراح عند معاذ
الطبيب: نتا من اهل المريضة
معاذ: لا انا اللي ضربتها بالطونوبيل كيفاه حالتها
الطبيب:للأس
معاذ مخلاهش يكمل: واش للأسف لكان تصرالها حاجة نهد السبيطار فوقكم ونتا تعرف معاذ بن ****
الطبيب: خليني نكمل هدرتي قتلك للأسف المادموزال دخلت في غيبوبة
معاذ: واش تقول وشعال تدوم الغيبوبة
الطبيب: المادموزال تبان مش حابة الحياة نشاله تتحسن في اقرب وقت بصح على حساب النزيف يمكن تلحق الغيبوبة حتى شهرين
معاذ: شكرا دكتور وديرو اللي عليكم خرج وخلاه رايح للدار يريح شويا ويرجع
في دار السي الحسين:
دخل معاذ ودم إكرام مزال في حوايجو
شافتو لالة حميدة شهقت راحت تجري ليه وتقلب فيه دمعتها على خدها قبل ماتفهم (الام وما ادراك ما الام دمها حار على ولادها اتهلاو في امهاتكم)
لالة حميدة: وليدي واش بيك واش يضر فيك هئ هئ
معاذ : يا الغالية استناي مابيا والو والله اليوم كنت ماشي خرجت قدامي طفلة وهاذا دمها
لالة حميدة: هئ هئ يا وليدي واش تهدر كيفاه راهي حالتها
معاذ: يما الطبيب قال الضربة جات في راسها يمكن تبقى شهرين غيبوبة
لالة حميدة: اديني عندها نشوفها اديني عندها
معاذ: يما بجاه ربي خليني نريح وندوش ونديك
لالة حميدة : معليه يا وليدي
مسحلها معاذ دموعها وباسها من راسها وراح شومبرتو وتفكيرو الكل عند اكرام
أنت تقرأ
🌹❤عيناها سبب عشقي 🌹❤
Fanfictionكرونيك أن شاء الله تعجبكم تجمع بين القسوة 😰 الصبر 😪المعاناة 😓الحب ❤️ العشق 😍استعدوا واربطو الاحزمة. *في قصتي بعنوان *: 🌹❤عيناها سبب عشقي 🌹❤ آااه وآااه من تلك العينين وما الذ تلك الشفتين لو كان لي قلبين لأهديتك إياهما الإثنين 🌸...
