🌹❤عيناها سبب عشقي 🌹❤

17

🌸الحلقة السابعة عشر🌸:

اكرام تحكي: مالصدمة تاع البوسة حوايجي ومانحيتهمش (🤣هههههه انخلعت 🤣)
حتى هداني ربي نضت كملت ولبست لبسة دافية ونزلت نعمل شربة سخونة بديت نطيب حتى شفت معاذ خارج يعطس عرفت بلي حكماتو لاڤريب ترددت وحشمت بصح عيطتلو:
اكرام: م معاذ
معاذ: يا الفرخة عيطتلي اول مرة نسمعها درت ديركت
معاذ :انعم
اكرام: نعمتك دايمة معليش تجي بالخف
معاذ: اتششم راني جاي
اكرام غاضها معاذ وعرفت بلي هي السبة دارتلو شوكولاتة سخونة ومدتهالو

معاذ يحكي: عيطتلي دخلت قعدت هي تطيب وانا نراقب فيها دارتلي شيكولة سخونة حطتهالي وقاتلي:
اكرام: معليش تبقى شويا ضرك تطيب الشربة
معاذ: علاه تشقي في روحك
اكرام: لا مافيهاش شقا

اكرام كملت حطتلو الشربة وجات خارجة

معاذ:ونتي ماتاكليش؟
اكرام: نتا راك مريض ومبعد ناكل انا
معاذ: جيبي طبسي وكولي معايا مانحبش ناكل وحدي

كملو كلاو غسلت الماعن وطلعت لشومبرتها لبست شورت وبيستي باه ترقد مريحة لحق العشا ماقدرتش تاكل كملت رقدت لحقت 00:00 ناضت لقات كرشها تغني قالت راه الليل مكاش اللي يشوفني نزلت وشعرها مطلوق لاحق لركبتها هبطت للكوزينة شعلت غير الضو تاع التيليفون فتحت الفريجيدار لقات nutella وفراز جبدتهم قعدت فوق البوطاجي فمها كامل ولا معمر بالشيكولة

معاذ فطن بغا يشرب مالقاش الما نزل للكوزينة شاف ضو خافت يبان ضو تاع تيليفون
دخل وياريتو مادخل شافها قاعدة فوق البوطاجين تاكل فالشيكولة والفراز شهاتو ياكل شيكولة من شواربها حس روحو تكبس هو يقرب وهي تبعد ضربت راسها فالخزانة تاع الماعن قالت ااح صغيرة سمعها كملت على ما بيه قرب عندها حط يدو على بلاصة الضربة وفرفشلها شعرها ماقدرش يبعد بعد يدو وحاوط خصرها وقال:
معاذ: وهو يتبسم: راك تاكلي ولا تغسلي في وجهك
اكرام:حاشمة وخدودها حمر: وواش ببيك
معاذ: معلاباليش بصح(يهدر ويخزر في شفافها)

وهو هكاك جات لالة حميدة 😱😱
لالة حميدة: اه ينعل سلعتك امعاذ اطلق البنت

راحت نزلت اكرام من فوق البوطاجي و ضحكت كي شافت حالت وجها وضحكت اكرام معاها بحلاوة زادت كملت على معاذ وراحت لشومبرتها وهو يشوف فرجليها ولاطاي اللي شعلت النار فيه قرر يروح لدارو نهارات خوفا من انو يدير كاش حاجة يندم عليها