🌸الحلقة الثالثة وعشرون🌸:
اكرام بعد ماكملو الفطور وودعو ياسمين بنت نجاة اللي راحت تقرا راحت خذات كتاب من مكتبة السي الحسين وبقات تقرا فالجنينة وكل مرة تتفكر في معاذ الراجل اللي سكن تفكيرها ايه راهي تبغيه اعتارفت لروحها بلي تعشقو فيقها من سرحتها لالة حميدة اللي حطت يدها على ذراعها
لالة حميدة: ابنتي حابة نحكي معاك في موضوع نشاله تسمعيني
اكرام:اتفضلي ايما تفضلي بصح معليش نطلب منك حاجة قبل
لالة حميدة: قولي بنتي
اكرام:اقعدي وانا نحط راسي في حجرك معليه ؟
لالة حميدة: والدموع في عينيها: تفضلي ابنتي
حطت راسها في حجر لالة حميدة وقاتلها نحكيلك حاجة قبل ماتحكيلي حابة نرتاح
بدات تحكي:
فلاش باك:قبل 8سنين:
كنت صغيرة مانعرف شي مالدنيا يما كانت تكرهني هي وبابا بيسك كي زدت نفس النهار مات فيه خويا الي كان كبير عليا كي كبرت شويا ولاو يضربوني وخطرات يبيتوني برا بلا ماكلة ومرة جزت على شومبرتهم سمعتهم يحكو
الاب(محمد): انا كرهت منها هي سباب موت وليدي
زهرة(الام): واش رايك نزوجوها غير بالفاتحة ونتهناو منها
محمد: واش راكي تقولي واش من امام يقبل يفتحلها
زهرة:خليها عليا هاذي نقول لوليد عمك يجي يتزوج بيها ونريحو من وجها
محمد:بصح كبير عندو 40 سنة
زهرة:المهم ...** علينا ومام هو عندو دراهم
محمد:عندك الحق في هاذي غدوة نهدر معاه
ضحكو ضحكة خبث وراحو يرقدو
واكرام مسكينة شبعت بكا على الوالدين اللي بغاو يسمحو في كبدتهم والحقد اثر عليهم وسكن قلوبهم والصباح خرحت وتخبات في الطونوبيل تاع باباها اللي كان راح يحكي مع وليد عمو على جالها والطريق كانت بعيدة وكامل هكا مادارت حتى حس حتا عيطتلو مرتو قاتلو اكرام ماهيش باينة قالها باين بلي ...** تكون في كاش جهة اكرام دارت يدها على فمها وبكات بحرقة بعد وقت حبس باباها بالطونوبيل ونزل استنات شويا وخرجت جرات جرات و وبقات برا يومين حتا توسخت ولات حالتها حليلة لقاتها مديرة الميتم ودارتها فما قالتلهم منعرفش والديا وبقات تتعذب فالميتم حتى خرجت.
فالحاضر:
اكرام وهي تبكي: شفتي يا يما واش دارو فيا رجعوني يتيمة فالحياة يا يما وبقات تبكي بحرقة.
أنت تقرأ
🌹❤عيناها سبب عشقي 🌹❤
Fanficكرونيك أن شاء الله تعجبكم تجمع بين القسوة 😰 الصبر 😪المعاناة 😓الحب ❤️ العشق 😍استعدوا واربطو الاحزمة. *في قصتي بعنوان *: 🌹❤عيناها سبب عشقي 🌹❤ آااه وآااه من تلك العينين وما الذ تلك الشفتين لو كان لي قلبين لأهديتك إياهما الإثنين 🌸...
